1.8 C
Tbilisi
პარასკევი, მარტი 1, 2024

ხაბეიშვილმა ასჯერ გადამხტარ-გადმომხტარი ხალხი დააბრუნა და ისინი გარიყა, ვინც პარტია აქამდე მხრებით მოიტანა – ცხვიტარია

პოპულარული

ლევან ხაბეიშვილმა პარტიაში ასჯერ გადამხტარ-გადმომხტარი ხალხი დააბრუნა და ის ხალხი გარიყა, ვინც პარტია აქამდე მხრებით მოიტანა, – ამის შესახებ ფოთის საკრებულოში „ნაციონალური მოძრაობის“ ფრაქციის ყოფილმა თავმჯდომარე დარეჯან ცხვიტარიამ განაცხადა.

მისივე თქმით, ლევან ხაბეიშვილის პარტიის თავმჯდომარედ მოსვლის შემდეგ, პარტია განადგურდა და განახევრდა.

„ოცნების“ ნამცეცებით გაავსო პარტია, ასჯერ გადამხტარ-გადმომხტარი ხალხი დააბრუნა პარტიაში და ვინც მართლა ერთგულია, სიცოცხლეს რომ გაიღებს სამშობლოსთვის, მხრებით რომ მოიტანა პარტია აქამდე, ის ხალხი ყველა გარიყა. როგორ შეიძლებოდა, ამაზე თვალი გამესწორებინა. უსამართლობისთვის თვალი არასდროს არ გამისწორებია და არც გავუსწორებ, თუნდაც სიცოცხლის ფასად რომ დამიჯდეს“, – განაცხადა დარეჯან ცხვიტარიამ.

ფოთის საკრებულოში „ნაციონალური მოძრაობის“ ფრაქციის თავმჯდომარე დარეჯან ცხვიტარია და მისი მოადგილე პაატა ჩაგანავა თანამდებობებიდან გაათავისუფლეს.

როგორც ფოთის საკრებულოში „ნაციონალური მოძრაობის“ ფრაქციის თავმჯდომარის მოადგილემ, დავით ხომერიკმა განაცხადა, დარეჯან ცხვიტარიასა და პაატა ჩაგანავას თანამდებობიდან გადაყენების გადაწყვეტილება ფრაქციაში მათი პასიურობისა და ფრაქციის სხდომებზე გამოუცხადებლობის გამო მიიღეს.

- Advertisement -spot_img
- Advertisement -spot_img

სიახლეები