ყველა იმ ბავშვის ცოდვა, რომელიც სკაიპით ხედავს მხოლოდ თავის მშობელს, თქვენზეა – ნაცვლიშვილი “ოცნებას”
ყველა იმ ბავშვის ცოდვა, რომელიც სკაიპით ხედავს მხოლოდ თავის მშობელს, თქვენზეა – ასე მიმართა პარლამენტში სიტყვით გამოსვლისას “ლელოს” წევრმა ანა ნაცვლიშვილმა “ოცნებას”.
ნაცვლიშვილის თქმით, ორნიშნა ეკონომიკური ზრდა, რომელზეც მუდმივად საუბრობს პრემიერი და ხელისუფლების წევრები, მხოლოდ მმართველი გუნდის წევრების ჯიბეებშია და არა ხალხის.
თქვენ გააქციეთ ადამიანები ქვეყნიდან და თქვენს ზურგზეა მათი ცოდვა. ყველა იმ ბავშვის ცოდვა, რომელიც სკაიპით ხედავს მხოლოდ თავის მშობელს და ყველა იმ მშობლის ცოდვა, რომელსაც მხოლოდ სკაიპში ესმის თავისი შვილის ხმა, თქვენს ზურგზეა და ამას ვერ ჩამოირეცხავთ, ამიტომ ელაპარაკეთ ახლა ბუნდოვან ორნიშნა ეკონომიკურ ზრდაზე, რომელიც სინამდვილეში არ არსებობს. თქვენ ჯიბეებშია მხოლოდ ეს ორნიშნა ეკონომიკური ზრდა. საქართველოს მოქალაქეებისთვის არ არის ეს ზრდა. არც სიმშვიდე და არც სტაბილურობა არ არის საქართველოს მოქალაქეებისთვის. თქვენთვის არის და მაგიტომ სხედხართ აქ თბილად მოკალათებულები. გამწარდით? მოქალაქეები როგორ არიან გამწარებულები თქვენი პოლიტიკით, ის მოიკითხეთ”. – უთხრა ანა ნაცვლიშვილმა “ოცნებას”.
