3.8 C
Tbilisi
კვირა, მარტი 3, 2024

„ყველამ ხმა ჩაიწყვიტეთ, ხელისუფლებაში ჩვენ უნდა დავრჩეთ, თუ გინდათ, რომ რეგიონში ატომური ბომბი არ აფეთქდესო“! – ოქრიაშვილი ლილუაშვილზე

პოპულარული

„ყველამ ხმა ჩაიწყვიტეთ, ხელისუფლებაში ჩვენ უნდა დავრჩეთ, თუ გინდათ, რომ რეგიონში ატომური ბომბი არ აფეთქდესო!” – ასე აფასებს “პროგრესისა და თავისუფლების” ლიდერი კახა ოქრიაშვილი სუს-ის უფროსის გუშინდელ განცხადებებს.

ოქრიაშვილს ლილუაშვილის გამოსვლამ გაუმყარა ეჭვი, რომ საქართველოში რუსეთის აგენტურული სიტუაცია გაცილებით მძიმეა, ვიდრე ჩანს.

ოქრიაშვილის შეფასებით, სუს-ის უფროსს ორი მთავარი გზავნილი ჰქონდა – ის არის რუსეთის აგენტების მფარველი, მეორე, “ოცნება” ხელისუფლებაში უვადოდ დარჩენას გეგმავენ.

სუს-ის უფროსის, ლილუაშვილის გუშინდელმა გამოსვლამ კიდევ ერთხელ გამიმყარა ეჭვები, რომ საქართველოში რუსეთის აგენტურასთან დაკავშირებით, გაცილებით უარესი მდგომარეობა გვაქვს, ვიდრე საზოგადოებას და მათ შორის, მეც მეგონა. ლილუაშვილს ორი მთავარი მესიჯი ჰქონდა:

1. ფარცხალაძეს, რომელიც საქართველოს გენპროკურორი იყო, სულ ცოტა ხნის წინ რუსული პასპორტი არჩია ქართულს და მარტო ესეც საკმარისია, რომ რუსად ვაღიაროთ – სულაც არ მიიჩნევს აგენტად. ლილუაშვილი გვევლინება რუსეთის აგენტების მფარველად საქართველოში.

2. ყველამ ხმა ჩაიწყვიტეთ, ხელისუფლებაში ჩვენ უნდა დავრჩეთ, თუ გინდათ, რომ რეგიონში ატომური ბომბი არ აფეთქდესო. ჩვენ, „რუსმა ქოცებმა“ უნდა ვმართოთ და ვძარცვოთ ეს ქვეყანა, მაგრამ თან, თუ ბომბი მაინც აფეთქდა, ვერ დაგიცავთო. რისი და ვისი დამცველები არიან, ხომ ხედავთ, რუსულ პასპორტებს იმზადებენ და დედაბუდიანად რუსეთში გასაქცევად ემზადებიან. ისრაელმა ვერ დაიცვა თავი 500 მოიერიშე თავდამსხმელისგან და ესენი დაიცავენ ატომური ბომბისგან რეგიონს და საქართველოს?!

ორი მიმართვა მაქვს: სიმართლე ყოველთვის იმარჯვებს და საქართველო, უკრაინა და ნათელ მხარეს მდგომი მსოფლიო აუცილებლად გაიმარჯვებს. და მეორე – მივმართავ „ქოცბანდაში“ დარჩენილებს და მათ მხარდამჭერებს: უკვე რამდენჯერ დამტკიცდა, რომ „ქოცების“ მატარებელი ქართველი ხალხის ნების საწინააღმდეგო, ჩრდილოეთის მიმართულებით მიდის. ჰოდა, ჩამოდით პირველივე გაჩერებაზე!

გამარჯვება ჩვენი იქნება!” – ამბობს ოქრიაშვილი. 

- Advertisement -spot_img
- Advertisement -spot_img

სიახლეები