6.8 C
Tbilisi
პარასკევი, თებერვალი 23, 2024

ყალბი კუპიურების დამზადება-გასაღება – დაკავებულია 4 პირი

პოპულარული

თბილისში ყალბი კუპიურების დამზაების და გასაღების ბრალებით  4 პირი დააკავეს. ინფრომაციას ფინანსთა სამინისტროს საგამოძიებო სამსახური ავრცელებს.

უწყების ცნობით, ყალბი ფული პოლიციამ დაკავებულების ჩხრეკის დროსაც ამოიღო. ბრალის დამტკიცების შემთვევაში დაკავებულებს 10 წლამდე პატიმრობა ემუქრებათ

საქართველოს ფინანსთა სამინისტროს საგამოძიებო სამსახურის თანამშრომლების მიერ, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, წინასწარი შეთანხმებით ჯგუფის მიერ, დიდი ოდენობით ყალბი ვალუტის გასაღების ფაქტზე დაკავებულია ოთხი პირი.

გამოძიებით დადგინდა, რომ ბრალდებულებმა, უკანონო მატერიალური სარგებლის მიღების მიზნით, ქ. თბილისში გაასაღეს 29 900 აშშ დოლარის ოდენობის ყალბი 100 დოლარიანი კუპიურა. საგამოძიებო მოქმედებების შედეგად, ბრალდებულებისგან, დამატებით ამოღებულ იქნა 2-ცალი 100-დოლარიანი და 1-ცალი 50 ევროს ნომინალის ყალბი კუპიურები.

გამოძიება მიმდინარეობს საქართველოს სისხლის სამართლის კოდექსის 212-ე მუხლის მეორე ნაწილით, რაც სასჯელის სახით ითვალისწინებს თავისუფლების აღკვეთას 7-დან 10 წლამდე ვადით, – ნათქვამია განცხადებაში. 

 

- Advertisement -spot_img
- Advertisement -spot_img

სიახლეები