7.8 C
Tbilisi
კვირა, მარტი 3, 2024

მსუბუქ/სამგზავრო ტრანსპორტს რიკოთზე გავლა ნებისმიერ დროს შეეძლება – გზების დეპარტამენტი

პოპულარული

რიკოთის უღელტეხილზე მსუბუქი და სამგზავრო ტრანსპორტისთვის დაწესებული სპეციალური რეჟიმი უქმდება და მათი გადაადგილება დღე-ღამის ნებისმიერ მონაკვეთში იქნება შესაძლებელი. ინფორმაციას საავტომობილო გზების დეპარტამენტი ავრცელებს.

მისაბმელიანი და ნახევრადმისაბმელიანი ავტოტრანსპორტისთვის სპეციალური რეჟიმი ძალაში რჩება, თუმცა იზრდება 4 საათით – მათი გადაადგილება რიკოთზე დაშვებული იქნება ორმხრივად, 21:00 საათიდან 07:00 საათამდე.

“იმის გათვალისწინებით, რომ რიკოთის საუღელტეხილო გზაზე ავტოტრანსპორტის მოძრაობის ინტენსივობა საგრძნობლად შემცირდა, დასრულდა აღნიშნული გზის 149-ზე კმ-ზე ფერდის სტაბილიზაციის საპროექტო სამუშაოები და დაიწყო მოსამზადებელი სამშენებლო სამუშაოები, მიმდინარე წლის 12 ოქტომბრიდან რიკოთის უღელტეხილზე დაწესებული ავტოტრანსპორტის მოძრაობის სპეციალური რეჟიმი იცვლება.

სპეციალური რეჟიმი უქმდება მსუბუქი და სამგზავრო ავტოტრანსპორტისთვის და შესაბამისად, რიკოთის საუღელტეხილო გზაზე მათი გადაადგილება შესაძლებელი იქნება დღე-ღამის ნებისმიერ მონაკვეთში

მისაბმელიანი და ნახევრადმისაბმელიანი ავტოტრანსპორტისთვის გადაადგილების სპეციალური რეჟიმი რჩება ძალაში, თუმცა იზრდება 4 საათით. შესაბამისად, მისაბმელიანი და ნახევრადმისაბმელიანი ავტოტრანსპორტის გადაადგილება რიკოთზე დაშვებული იქნება ორმხრივად, 21:00 საათიდან 07:00 საათამდე. ამასთან, რიკოთის საუღელტეხილო მონაკვეთზე გაგრძელდება 24 საათიანი მონიტორინგი”- ნათქვამია განცხადებაში.

სპეციალური რეჟიმი რიკოთის საავტომობილო გზაზე მიმდინარე წლის აპრილიდან მოქმედებს.

- Advertisement -spot_img
- Advertisement -spot_img

სიახლეები