7.8 C
Tbilisi
კვირა, მარტი 3, 2024

მივმართავ ხელისუფლებას, დაუყოვნებლივ უზრუნველყონ ისრაელში მცხოვრები ჩვენი მოქალაქეების ჩამოყვანა რომელთა დაბრუნება უკვე გადაუდებელი აუცილებლობა გახდა – მანჯგალაძე

პოპულარული

 დაუყოვნებლივ უზრუნველყონ ისრაელში მცხოვრები ჩვენი მოქალაქეების ჩამოყვანა – პაატა მანჯგალაძის მიმართვა ხელისუფლებას

ნაცვლად იმისა, რომ ხელისუფლებამ უზრუნველყოს ისრაელში მყოფი საქართველოს მოქალაქეების ჩამოყვანა სპეციალური რეისებით, „აირზენასთან“ ერთად ზეკომერციული ფასებით მათ ძარცვას ახორციელებს, თან ამ გაბერილი ბილეთის ფასის პირობებშიც კი არ არის ბილეთების საკმარისი რაოდენობა – ამის შესახებ სტრატეგია აღმაშენებლის“ ერთ-ერთი ლიდერი, პაატა მანჯგალაძე საუბრობს.

ის ხელისუფლებას მიმართავს, დაუყოვნებლივ უზრუნველყონ ისრაელში მცხოვრები საქართველოს მოქალაქეების ჩამოყვანა, რომელთა დაბრუნება უკვე გადაუდებელი აუცილებლობა გახდა.

„რამდენიმე დღეა თვალს ვადევნებთ, რომ ისრაელი ტერორისტებთან რეალურ ომშია ჩართული და ფაქტობრივად, იქ უსაფრთხო ადგილი არ არსებობს. სწორედ ამიტომ, ბევრი ქართველი გვიკავშირდება, რომ საქართველოში დაბრუნება დაუყოვნებლივ ესაჭიროება. ნაცვლად იმისა, რომ ხელისუფლებამ უზრუნველყოს მათი ჩამოყვანა სპეციალური რეისებით, „აირზენასთან“ ერთად ზეკომერციული ფასებით მათ ძარცვას ახორციელებს, თან ამ გაბერილი ბილეთის ფასის პირობებშიც კი არ არის ბილეთების საკმარისი რაოდენობა.

უზნეობაა, როცა სიცოცხლესა და უსაფრთხოებას კომერციული და ფინანსური ინტერესი უპირისპირდება, სწორედ ეს არის ხელისუფლების პირდაპირი პასუხისმგებლობა და დანაშაული. მხოლოდ საკონსულო და საელჩო ამ პრობლემას ვერ მოაგვარებს.

ვიცით, რომ ისრაელში 90% ზე მეტი ქართველი არ არის საკონსულო აღრიცხვაზე, ისინი განაწილებულები არიან მთელს ტერიტორიაზე და აუცილებელია მათთან მუდმივი კომუნიკაციის ხაზის აწყობა. თუ სპეციალურ რეისებს არ აკეთებს ხელისუფლება, აუცილებელია არა მარტო ბავშვებისთვის, არამედ ყველასთვის ფიქსირებული, შეღავათიანი ფასის შეთავაზება ბილეთებზე, რადგან დალხენილი ცხოვრებისთვის იქ არავინ წასულა და ფრენისთვის საჭირო ათასობით ლარი უმეტეს მათგანს არ გააჩნია. მივმართავ ხელისუფლებას, დაუყოვნებლივ უზრუნველყონ ისრაელში მცხოვრები ჩვენი იმ მოქალაქეების სამშობლოში ჩამოყვანა, რომელთა დაბრუნება უკვე გადაუდებელი აუცილებლობა გახდა”, – განაცხადა მანჯგალაძემ, რომლის კომენტარსაც „სტრატეგია აღმაშენებელი“ ავრცელებს.

- Advertisement -spot_img
- Advertisement -spot_img

სიახლეები