7.8 C
Tbilisi
კვირა, მარტი 3, 2024

მამუკა ხაზარაძეს „მუსტანგი“ ვერ უმართია…ხელმოცარული დარჩება – ზარქუა

პოპულარული

ხაზარაძემ ბრძანა, „ნაცებისგან“ ცალკე ვართო და ბიძინა ივანიშვილს კვირებს უთვლის, ამბობს, მოსკოვში მოუწევს წასვლაო. ამას ამბობს „ლელო“, რომელიც წლების განმავლობაში შეზრდილი იყო „ნაციონალურ მოძრაობასთან“, ადეიშვილთან და საზოგადოებას ერთობლივად არეკეტებდნენ, – ამის შესახებ  უმრავლესობის წევრმა, ირაკლი ზარქუამ განაცხადა.

ზარქუა გამოეხმაურა „ლელოს“ ლიდერის, მამუკა ხაზარაძის იმ განცხადებას, სადაც ხაზარაძე ამბობს: „ბიძინა ივანიშვილის ადგილი არის კრემლში, ჩვენ აუცილებლად მოვალთ ხელისუფლებაში და ბიძინა ივანიშვილი აუცილებლად წავა, ის უნდა იყოს მოსკოვში“.

„ლელოსთვის“ და გახარიასთვის თურმე „ნაცები“ახლა არის მიუღებელი. მამუკა ხაზარაძემ „მუსტანგის“ მართვა ვერ შეძლო, ცეცხლი წაუკიდა და მისი მართვის მეთოდებიც ვნახეთ. როგორ ჰგონია, ქართული საზოგადოება ქვეყნის მართვას ანდობს? „მუსტანგი“ ვერ უმართია, გამართული ამერიკული მანქანა. არჩევნების შემდეგ, ხელისუფლებაში ისევ მშვიდობის და ეკონომიკური განვითარების პარტია დავრჩებით, ხოლო მას ისევ ბიზნესში გადანაცვლება მოუწევს, ასევე სესხის გაცემა, მიღება, ვაჭრობა, რაც მისი თემაა. იქ თავს წარმატებულად გრძნობს. იქ იქნება, სადაც მისი ადგილია. დარწმუნდება, რომ პოლიტიკაში ხელმოცარულია. პატრონებისგან აქვთ დაკვეთა, რომ „ნაციონალურ მოძრაობას“ ჩაენაცვლონ, მარგინალები გახდნენ და რევოლუციონერები იყვნენ, რაც არ გამოუვათ. მათზე უფრო დიდი დაფინანსება და მხარდაჭერა გლობალური ომის პარტიიდან „ნაცებს“ ჰქონდათ, მაგრამ ვერაფერი გააწყვეს, რადგან საზოგადოებამ ისინი ისევე გაშიფრა, როგორც „ლელოა“ გაშიფრული“, – აღნიშნა ირაკლი ზარქუამ.

- Advertisement -spot_img
- Advertisement -spot_img

სიახლეები