თუ მიგიღეს “ნაციონალურ მოძრაობაში”, გაწევრიანდით – ინჯია პრეზიდენტს
“ევროპელი სოციალისტების” ლიდერი ფრიდონ ინჯია, სალომე ზურაბიშვილს მოუწოდებს “ნაციონალურ მოძრაობაში” გაწევრიანდეს და იქიდან იბრძოლოს ხელისუფლებისთვის.
ინჯია ამბობს, რომ სალომე ზურაბიშვილს ახლა და მომავალში არ ექნება უფლება მთავრობის სახელით ისაუბროს.
თუ მიგიღეს ნაციონალურ მოძრაობაში, გაწევრიანდით და ეცადეთ, იქიდან იბრძოლოთ ხელისუფლებისთვის, რადგან ეს უფლებამოსილება, რომელიც თქვენ, როგორც პრეზიდენტს გაქვთ ჯერჯერობით, თქვენ არ მიგიღიათ, ამიტომ ხალხის სახელთ არ შეგიძლიათ ისაუბროთ და ამას ახლა დაემატა ის, რომ ახლა და მომავალში, თქვენ არ გექნებათ უფლება მთავრობის სახელითაც ისაუბროთ”. – განაცხადა ინჯიამ.
