გრიგორიადისის ბაბუა: თუ განაჩენი დადგება, მინდა, რომ პრეზიდენტმა ლაზარე შეიწყალოს
ლაზარე გრიგორიადისის ბაბუა გია კალანდაძე ფიქრობს, რომ თბილისის საქალაქო სასამართლო მისი შვილიშვილის მიმართ გამამტყუნებელ განაჩენს გამოიტანს.
როგორც კალანდაძემ ჟურნალისტებს განუცხადა, ასეთი შთაბეჭდილება რჩება პროცესის მიმდინარეობიდან და ფიქრობს, რომ ასეთი დავალება „მოდის ზემოდან“, მათ შორის პარლამენტის თავმჯდომარის განცხადებიდან.
თუ განაჩენი დადგება, მინდა რომ ჩვენმა პრეზიდენტმა ლაზარე შეიწყალოს“, — თქვა გია კალანდაძემ.
31 მარტს სასამართლომ 21 წლის ლაზარე გრიგორიადისს აღკვეთის ღონისძიების სახით პატიმრობა შეუფარდა. ის 29 მარტს დააკავეს – შსს-ს მტკიცებით, მან 7-9 მარტის აქციებზე პოლიციელებს ქვები და ე.წ. მოლოტოვის კოქტეილები ესროლა.
- აქტივისტის წინააღმდეგ ხელისუფლებამ სიძულვილის კამპანია დაიწყო, ქართული ოცნების თავმჯდომარე ირაკლი კობახიძემ მას არაერთხელ უწოდა “ორიენტაციაარეული”.
