“51-ე და პირველი ექსპერიმენტული სკოლების დირექტორების პასუხისმგებლობის საკითხი ამ ეტაპზე არ დგას” – ჩხენკელი

განათლებისა და მეცნიერების მინისტრის, მიხეილ ჩხენკელის განცხადებით, თბილისის 51-ე და პირველი ექსპერიმენტული სკოლების დირექტორების პასუხისმგებლობის საკითხი, რომელთა სკოლების მოსწავლეებს შორის დაპირისპირებას ორი მოზარდის სიცოცხლე ემსხვერპლა, ამ ეტაპზე არ დგას.

იზრუნე ჯანმრთელობაზე

„ჩვენ ველოდებით გამოძიების დასრულებას. გამოძიება გამოავლენს ყველა ფაქტს ამ გარემოების გარშემო და გამოძიების დასრულების შემდეგ ვისაც მიუძღვის ბრალი ამ სიტუაციაში, მას ყველას მოეთხოვება პასუხი, მაგრამ ამ ეტაპზე კონკრეტულად დირექტორების პასუხისმგებლობის საკითხი არ დგას, რამეთუ გამოძიება ჯერ დასრულებული არ არის“, – განაცხადა ჩხენკელმა.

1-ელ დეკემბერს, ხორავას ქუჩაზე მომხდარ სისხლიან გარჩევას 2 მოსწავლის სიცოცხლე ემსხვერპლა.

loading…
გააკეთე კომენტარი!