,,ეგეთები არიან, მზად არიან, პედოფილის დაძახება აიტანონ”- ზურაბ ჯაფარიძე

ზურაბ ჯაფარიძე

“ეგეთი ხალხია – ძალაუფლების ხელში ჩაგდებისთვის მზად არიან, საკუთარი პრეზიდენტობის კანდიდატის მხრიდან პედოფილის დაძახება აიტანონ, მერე ძმაკაცებთან ერთად მოწიონ და “იბაზრონ” კაცობაზე”, – ამ განცხადებას “გირჩის” პრეზიდენტობის კანდიდატი ზურაბ ჯაფარიძე “ერთიანი ნაციონალური მოძრაობის” წევრების განცხადებების საპასუხოდ აკეთებს.

“იდეებისგან სრულიად დაცლილმა და დაღმართზე ტემპაკრეფილმა პარტიამ კანაფის თემით გადაწყვიტა პოლიტიკური დივიდენდების მოპოვება და საპატრიარქოსთან ჩახუტება. ენმ-ის პოლიტსაბჭოს ნახევართან ერთად მაქვს მოწეული, თან არაერთხელ. მათ შორის, იმათთანაც, ვინც დღეს ყველაზე აქტიურად ითხოვს “მომავალი თაობის გადარჩენას” კანაფისგან. იმ 2 წლის განმავლობაში, როცა მაგ პარტიაში ვიყავი, არაერთი პოლიტსაბჭოს წევრი გვთხოვდა მოსაწევს თითქმის რეგულარულად. რამდენიმე წევრი სახლში ზრდიდა და, სავარაუდოდ, დღესაც ზრდის კანაფს პირადი მოხმარებისთვის. ეგეთი ხალხია – ძალაუფლების ხელში ჩაგდებისთვის მზად არიან, საკუთარი პრეზიდენტობის კანდიდატის მხრიდან პედოფილის დაძახება აიტანონ, მერე ძმაკაცებთან ერთად მოწიონ და “იბაზრონ” კაცობაზე, ძმობაზე და გაგებაზე,”- წერს ჯაფარიძე.

დაწერე კომენტარი