ხუთჯერ შეცვლილი ჩვენება – საქალაქო სასამართლოში მოზარდების მკვლელობის საქმეზე მთავარ მოწმეს კითხავენ

ხორავას ქუჩის ტრაგედიაში ეჭვმიტანილი

მოზარდების მკვლელობის საქმეზე თბილისის საქალაქო სასამართლოში საქმის განხილვა მიმდინარეობს.

დღეს საქმის მთავარი მოწმის ჯვარედინი დაკითხვის პროცესი დასრულდება. საუბარია 51-ე სკოლის მოსწავლეზე, რომელმაც ჩვენება უკვე 5-ჯერ შეცვალა.

„ვაგრძელებთ ბრალდების მხარის მთავარი მოწმის დაკითხვას, რომელმაც უკვე აღარც მახსოვს რამდენჯერ შეცვალა და კატეგორიულად უარყო თავსი ჩვენებები. უფრო ვრცლად მოგახსენებთ მას შემდეგ, რაც დავამთავრებ მის დაკითხვას“-აცხადებს დაკავებული არასრულწლოვნის ადვოკატი ტარიელ კაკაბაძე.

დაკავებული არასრულწლოვნის კიდევ ერთი ადვოკატი ინგა შარაშენიძე კი აცხადებს, რომ პროკურატურის „ოქროს მოწმე“ ცრუ ჩვენებებს საკუთარი თავის გადასარჩენად აძლევს. ადვოკატი ეჭვობს, რომ მოწმე ზეწოლის ქვეშაა.

„ეს მოწმე ამბობს არასწორს და არის ზეგავლენის ქვეშ. ბრალდების მოყვანილი „ოქროს მოწმე“ თავის და მისი ახლობლების გადასარჩენად სხვა პირებს ადებს ხელს“-აცხადებს ადვოკატი ინგა შარაშენიძე.

ბრალდების მხარის განცხადებით კი 51-ე სკოლის მოსწავლის ჩვენება ინფორმაციული თვალსაზრისით მნიშვნელოვანია, თუმცა მხოლოდ მოსამართლის გადასაწყვეტია ჩვენების რა ნაწილს გაიზიარებს.

„მინდა მოგახსენოთ, რომ ხსენებული მოწმე იძლევა ინფორმატიულ ჩვენებას ხორავას ქუჩაზე განვითარებული მოვლენების შესახებ. რა ნაწილშია მისი ჩვენება გასაზიარებელი და რა ნაწილში არა, ამის კომპეტენცია მხოლოდ მოსამართლეს განეკუთვნება“-აცხადებს პროკურორი ზვიად ფხაკაძე.

loading…

პოპულარული

სკანდალური გრიფით საიდუმლო მასალები ლადო ბედუკაძეზე - გმირად შერაცხული ჯალათი გლდანის ციხიდან და "ცოცხის" დადგმული კადრები (ვიდეო)
სკანდალური კადრები - „სამართალდამცავებმა 4 ახალგაზრდა რადიატორზე მიაბეს და აწამეს“ (ვიდეო)
შეიწყალეთ მამა გიორგი, თქვენო უწმინდესობავ! იგი მკვლელი არ არის... ჯვარზე გაკრულ ქრისტეს მიუგდეთ ყური - ნესტან კირთაძის მიმართვა პატრიარქს
"ერთი პატარა ოთახი აქვს, მშივრებს უფასოდ აჭმევს.... მოხუცი დაინახეს და ეს რა ხალხს უშვებთ კაფეში, სულ აღარ მოვალთო..."
დაწერე კომენტარი