ხაშურში ახალგაზრდა კაცის მკვლელობაში ბრალდებული დააკავეს

ბორკილი

შსს-მ დამამძიმებელ გარემოებებში განზრახ მკვლელობის მცდელობის ბრალდებით ხაშურში ერთი პირი დააკავა. ჩადენილი დანაშაული 16-დან 20 წლამდე ვადით, ან უვადო თავისუფლების აღკვეთას ითვალისწინებს.

გამოძიებით დადგინდა, რომ ბრალდებულმა, მიმდინარე წლის 29 ივნისს,  ურთიერთშელაპარაკების ნიადაგზე, ცივი იარაღით სხეულზე დაზიანებები მიაყენა ორ პირს, რის შემდეგაც შემთხვევის ადგილიდან მიიმალა.

სასწრაფო სამედიცინო დახმარების ბრიგადამ ორივე დაჭრილი საავადმყოფოში გადაიყვანა. სასწრაფო სამედიცინო დახმარების მიუხედავად, ერთი დაჭრილის გადარჩენა ვერ მოხერხდა.

გამოძიება ორი ან მეტი პირის მიმართ დამამძიმებელ გარემოებებში განზრახ მკვლელობის მცდელობის ფაქტზე, საქართველოს სსკ-ს 19-109-ე მუხლის მე-3 ნაწილით მიმდინარეობს.

დაწერე კომენტარი