“ყველანი მომსწრე გავხდით სისასტიკის, როდესაც 25 წლის გოგონა ორი არასრულწლოვნის თანდასწრებით მოკლეს”- ნიტა სიხარულიძე კანონის არაეფექტურობაზე საუბრობს

ნიტა სიხარულიძე

“ქრისტიან–დემოკრატიული მოძრაობის” პრეს–სპიკერის ნიტა სიხარულიძე ბარნოვზე მომხდარ მკვლელობას ეხმაურება.

მისი  განცხადებით, პოლიციის მუშაობა მორღვეულია,რაც  ნიშნავს, რომ სახეზე გვაქვს არა მარტო კანონის, არამედ სისტემური პრობლემა, რაც არის პოლიტიკური ხელმძღვანელობის ბრალი.

 

მინდა გამოვეხმაურო ისეთ მნიშნელოვან და სენსიტიურ პრობლემას, როგორიცაა ოჯახური და კონკრეტულად ქალების მიმართ ძალადობა.

რამდენიმე დღის წინ ჩვენ ყველანი მომსწრე გავხდით წარმოუდგენლად სასტიკი მკვლელობის, როდესაც 25 წლის გოგონა ორი არასრულწლოვნის თანდასწრებით მოკლეს. ყველასათვის ნათელია, რომ დღეს ოჯახური და ქალების მიმართ ძალადობა არის ერთ-ერთი სერიოზული პრობლემა ჩვენს ქვეყანაში. სახელმწიფო და მათ შორის ჩვენ ყველანი ვალდებულნი ვართ გავაკეთოთ ყველაფერი, რადგან ჩვენი მოქალაქეები და მათ შორის ქალები იყვნენ დაცულნი. როდესაც ხდება სამართალდამცველების გამოძახება ძალადობის შემთხვევაში და იწერება შემაკავებელი ორდერი, ეს უმეტეს წილად შედეგს არ იძლევა. ის, რომ პოლიციის მუშაობა მორღვეულია, ეს უკვე ნიშნავს, რომ სახეზე გვაქვს არა მარტო კანონის, არამედ სისტემური პრობლემა, რაც არის პოლიტიკური ხელმძღვანელობის ბრალი.

ვფიქრობ, რომ ეს კანონი არაეფექტურია და საჭიროებს რეფორმირებას. ამიტომ აუცილებელია ხელისუფლებამ დააყენოს ინიციატივა პარლამენტში, რათა მომავალში შევძლოთ მეტი ქალი დავიცვათ მსგავსი ძალადობისა და სისასტიკისაგან.

პოპულარული

"ეს იყო დაცინვა და მასხრად აგდება... მოცდის დროც აღარ მაქვს" - დავით სოკოლოვის ემოციური მიმართვა კახი კალაძეს
"ჯეოსელი" გათიშულია - ასიათასობით აბონენტი კავშირის და ინფორმაციის გარეშეა დარჩენილი
„პრეზიდენტი სტუდიაში არ უნდა მივიდეს... ნუ ბრაზდებით"- კამათი ჟურნალისტსა და პრეზიდენტს შორის (ვიდეო)
"მე ვარ რუსეთიდან და ჩემი სახის 20% ოკუპირებულია ქართველი მორაგბეების მიერ" - როგორ გამოიყურება რუსი მორაგბე ბორჯღალოსნებთან ჩხუბის შემდეგ
დაწერე კომენტარი