“მე ძაღლი არ ვარ, რომ მოვვარდე… თქვენ საჯარო პირი ხართ”- ინცინდენტი “რუსთავი 2”-ის ჟურნალისტსა და მამუკა მდინარაძეს შორის

მდინარაძე-ქაშიაშვილი

“ქართული ოცნების” ოფისში “რუსთავი 2” -ის ჟურნალისტსა და მმართველი პარტიის ერთ-ერთ ლიდერ მამუკა მდინარაძეს შორის ინცინდენტი მოხდა.

ჟურნალისტი დავით ქაშიაშვილი შეეცადა, დეპუტატისგან მიეღო პასუხი, თუ რას ფიქრობდა ის სპეცოპერაციის შედეგად ლიკვიდირებული თემირლან მაჩალიკაშვილის მამის მიერ გაგზავნილ წერილზე, სადაც მალხაზ მაჩალიკაშვილი კანონმდებლებს მოუწოდებს, დააფიქსირონ პოზიცია – მხარს უჭერენ თუ არა, რომ საქართველოს პარლამენტში შეიქმნას მისი შვილის, თემირლან მაჩალიკაშვილის საქმეზე დროებითი საგამოძიებო კომისია?

ჟურნალისტის აღნიშნულმა კითხვამ დეპუტატი მდინარაძე გააღიზიანა. უმრავლესობის წარმომადგენელმა “საქმე“ ჯერ „რუსთავი 2”-ის კორესპოდენტს გაურჩია და მიუთითა, რომ კითხვის დასმამდე ნებართვა უნდა აეღო, შემდეგ კი “ნიუპოსტის” ჟურნალისტს, რომელმაც მაჩალიკაშვილის მოთხოვნაზე კომენტარი სთხოვა, უთხრა, რომ “რუსთავი 2 მოვარდა და…”. 

“ქართული ოცნების” ლიდერის ამ რეპლიკას ქაშიაშვილის პროტესტი მოჰყვა. 

“მე ძაღლი არ ვარ, რომ მოვვარდე… თქვენ საჯარო პირი ხართ, გაქვთ თმენის ვალდებულება… თან სამსახურში ბრძანდებით და უფლება მაქვს, კითხვა დაგისვათ”- მიმართა ჟურნალისტმა დეპუტატს.

პოპულარული

ქალწულის პერიოდი იწყება - რა გელოდებათ სასიყვარულო ურთიერთობაში
რა ხდება კურიერის "ნიუსრუმში" - დავით ქაშიაშვილი ვიდეოს ავრცელებს
„მე, დიანა ჯოჯუა, აფხაზეთიდან კრემლის მიერ გამოგდებული, ვერც ერთი მიზეზით, ვერ დავჯდები იმ ეთერში, რომელიც ამ ქვეყანაში კრემლის მთავარი მოსამსახურის ბიძინა ივანიშვილისაა“ - დიანა ჯოჯუა
21 აგვისტოს ასტროლოგიური პროგნოზი
დაწერე კომენტარი