„ცდილობენ, რომ კალანდია გამოიყვანონ მართალი და ბარბაქაძეს შეტენონ ყველაფერი“ – სასამართლო პროცესი ზაზა სარალიძემ პროტესტის ნიშნად დატოვა

ზაზა სარალიძე

ე.წ. ხორავას ქუჩის მკვლელობის საქმის განხილვა სააპელაციო სასამართლოში მთავრი მოწმის, მიხელ კალანდიას დაკითხვით გრძელდება. ის გახმაურებული საქმის მთავარი ფიგურანტია, რომელმაც ადვოკატების განცხადებით, გამოძიების ეტაპზე და სასამართლო პროცესებზეც ჩვენება რამდენჯერმე შეცვალა. სწორედ ამ მიზეზის გამო საქალაქო სასამართლოს გადაწყვეტილებით, ის არასანდო მოწმედ იქნა მიჩნეული.

დღევანდელი პროცესი ზაზა სარალიძემ პროტესტის ნიშნად დატოვა. როგორც ზაზა სარალიძემ განაცხადა მისი პროტესტი გამოიწვია პროკურორების შეკითხვებმა, რომლებიც მოწმე კალანდიას ფაქტობრივად მინიშნებებს აძლევდნენ. მისი თქმით, ბრალდება ცდილობს ისე გამოიყვანოს თითქოს დავით სარალიძე უკვე მსჯავრდებულებმა გ.ჯ.-მ და გ.ბ.-მ მოკლეს ჯგუფურად.

„ცდილობენ, რომ კალანდია გამოიყვანონ მართალი. და ბარბაქაძეს შეტენონ ყველაფერი. შთაბეჭდილება კი არ დამრჩა, პირდაპირ აპირებენ კალანდიას გაპრავებას და ბარბაქაძის შემოყვანას საქმეში ხელახლა. პროკურორები კითხავდნენ ამ წუთში და ვეღარ გავუძელი ფიზიკურად. ადვოკატებმა რაღაც პროტესტი დააყენეს, მიმანიშნებელი კითხვა დაუსვა პროკურორმა და მოსამართლემ არ დაუკმაყოფილა. ჩემს ადვოკატს რაღაც გადავუჩურჩულე და მოსამართლემ გაგაძევებო. ფაქტია რომ ყველაფერი მიჰყავთ იქით, რომ კალანდია არ არის მკვლელი ანუ ჩემი შვილი მოკლულია, მკვლელი არ არსებობს,“-განაცხადა ზაზა სარალიძემ.

ბრალდების მხარესთან პრეტენზიები აქვთ ადვოკატებსაც. ისინი ამბობენ რომ მოწმე კალანდია დისკრედიტირებულია. მის რეაბილიტაციას კი უფლებადამცველების განცხადებით, პროკურატურა ცდილობს. 

„მე მაქვს ხელთ დაახლოებით 9 ჩვენება რომელიც არის კალანდიასი და ყველა ჩვენებაში ის ურთიერთ გამომრიცხავ გარემოებებს ასახელებს. ამიტომ აღნიშნული მოწმის ნდობა არის წარმოუდგენელი რამ, რომ ასეთ მოწმეს სასამართლომ მიანიჭოს მნიშვნელობა და მის მიერ გადმოცემული ინფორმაცია ჩათვალოს სანდოდ,“-განაცხადა ადვოკატმა რამაზ ჩინჩალაძემ.

პოპულარული

„აგრესია ჩვენს სამართალდამცველებზე არის სრულიად მიუღებელი, აქედან გამომდინარე კანონის პასუხიც იქნება ადეკვატური“ - მამუკა ბახტაძე პანკისის მოვლენებზე
„დაძაბულობის დაწყებამდე 35 პოლიციელის გარდა ხეობაში არავინ ყოფილა, ესაა ფაქტი“ - გიორგი გახარია პანკისის მოვლენებზე
„ჰკითხეთ შს სამინისტროს სწორად დაიგეგმა თუ არა ოპერაცია პანკისში“ - გრიგოლ ლილუაშვილის განმარტება
ლევან ჯიბღაშვილი ნარკოდანაშულისთვის დააკავეს
"დიდი გამარჯვებები და ხელისუფლების ცვლილება ზუგდიდიდან დაიწყება" - გაერთიანებული ოპოზიციის ლიდერები დღეს ზუგდიდის რაიონის სოფელ ჭკადუაშში იმყოფებოდნენ
ბრიტნი სპირსის პირველი ფოტოები ფსიქიატრიულში მკურნალობის შემდეგ (ფოტოები)
ლევან ჯიბღაშვილი ნარკოდანაშულისთვის დააკავეს
ივანიშვილი პრემიერის კანდიდატურას ამ დღეებში დაასახელებს - დიდი ცვლილება მთავრობაში
შრი-ლანკაზე მომხდარ ტერაქტს დანიის ყველაზე მდიდარი ადამიანის 3 შვილი ემსხვერპლა
დაწერე კომენტარი