“ჩხარტიშვილმა ანგარიში გამიწია… ხაზარაძეს მადლობაც არ უთქვია” – ივანიშვილი

ნორმალური მადლობაც არ უთქვია ხაზარაძეს… – ეს განცხადება ბიძინა ივანიშვილმა 2018 წლის 26 ოქტომბერს, ტელევიზიებთან შეხვედრისას გააკეთა და მამუკა ხაზარაძის მიმართ უკმაყოფილება არ დამალა. ივანიშვილმა მაშინ TBC ბანკსა და ვანო ჩხარტიშვილს შორის არსებულ სასამართლო დავაზე დეტალურად ისაუბრა:

“ჩემი მუდარა, ხვეწნა და მუქარაც, თუ გნებავთ, ჩხარტიშვილისადმი იყო ის, რომ ქართულ სასამართლოს დღეს არ აქვს ისეთი ხერხემალი, რომ გამოვიდეს და საზოგადოებას დაუმტკიცოს, რომ შენ მოუგე თიბისი ბანკს, მოუგე არაბებს, პატარკაციშვილს… კეთილი ინებეთ, აქედან როგორმე გაიწიეთ და მე მაქსიმალურად დაგეხმარებით, გადით გარეთ, გარეთ მოახერხეთ, ლონდონის სასამართლო… მე მადლობა შემიძლია გადავუხადო ამ მხრივ ვანო ჩხარტიშვილს, ჩემგან ზარალის მეტი, თუ შეაფასებთ ჩვენს ურთიერთობას, მას პრაქტიკულად არაფერი მიუღია.

მან გამოიტანა თუ ნახეთ სასამართლოდან, პირველი ინსტანცია მოგებულია და აღარ გაგრძელებულა დავა თიბისის და ვანო ჩხარტიშვილს შორის. პირად შეხვედრაზე მე სამაგიეროდ ვთავაზობდი, რომ სასამართლო დაზოგეთ და აგერ, ბიზნესმენები ვართ, მე ჩემი ფულით დაგეხმარები. ათასჯერ მაქვს ნათქვამი და ბევრს დავხმარებივარ კიდევაც სხვადასხვა ტიპის ბიზნესში და არა პირადად, ნაცვლად იმისა, რომ არ დაეზარალებინათ სასამართლო და სახელმწიფო, სასამართლოს ერთ მილიონში შეიძლება, ხუთი ჩემი გადამიხდია, რომ ეს გამეწია. აქედან გამომდინარე, ყველა ეს დავები, რაც იყო სასამართლოში, გარეთ გამოვიტანე, ვინ დაზარალდა ამ დავებიდან? ნახეთ, დაზარალდა ვანო ჩხარტიშვილი.

გარწმუნებთ, რომ ვანო ჩხარტიშვილმა ყველაზე მეტი ანგარიში გამიწია სხვა ბიზნესმენებისგან განსხვავებით, ყველაზე მეტად დაიხია უკან, რისთვისაც მე მადლიერებას აქვე გამოვხატავ. აგერ TBC ბანკი, ნორმალური მადლობაც არ უთქვია ხაზარაძეს… 30 მილიონი და სასამართლო ეხლა, ძალიან რთული სისტემაა, არ იფიქროთ და არავის ჰქონდეს იმის განცდა, რომ როგორც ხატავენ, რომ ივანიშვილი იქ დარეკავს და გადააადგილებს, არა, მე რაც მოვახერხე, ეს მქუხარე საქმეები აქეთ გამოვწიე” გნაცხადა ივანიშვილმა საპრეზიდენტო არჩევნების პირველი ტურის გამართვამდე 2 დღით ადრე. 

პოპულარული

,,სისხლის გუბეში ცურავდა და მაინც უმოწყალოდ ურტყამდა დანას, არასრულწლოვანი შვილები ჰყავთ'' - ხაშურში მომხდარი შემზარავი ფაქტის დეტალები
"ბექუ, შენ შავ ჩოხაში და მელანო მძინარე მზეთუნახავი, გაყინული წევს კუბოში სადედოფლო თეთრ კაბაში...გავქვავდი..." - შოთო სიხარულიძის ემოციური წერილი
ხაშურში, 30 წლის ქალი სილამაზის სალონში ქმარმა დანით დაჭრა - ქალს 7 ჭრილობა აქვს მიყენებული
ნინი ბადურაშვილის მამა, რეჟისორი ერეკლე ბადურაშვილი გარდაიცვალა
დაწერე კომენტარი