ჩინელი მეცნიერები ფიქრობენ, რომ კორონავირუსი შესაძლოა 37 დღის განმავლობაში იყოს გადამდები

კორონა

ახალი კორონავირუსით ინფიცირებულ პაციენტებს სასუნთქ ტრაქტში პათოგენი 37 დღის განმავლობაში უნარჩუნდებათ.

აღნიშნულს ცხადყოფს ჩინელი მეცნიერების მიერ ჩატარებული კვლევა.

ჩინელმა ექიმებმა აღმოაჩინეს ვირუსის რიბონუკლეინის მჟავა რესპირატორულ სინჯებში, რომელიც აღებული იყო განკურნებული პაციენტებისგან ინფიცირებიდან 20 დღეში.

ჩინეთის სამედიცინო მეცნიერების აკადემიის წევრი ფეი ჩჟოუ ამბობს, რომ კვლევის შედეგად მიღებულ მონაცემებს დიდი მნიშვნელობა აქვს პაციენტის იზოლირების შესახებ გადაწყვეტილების მიღებისა და ანტივირუსული მკურნალობის ხანგრძლივობისთვის.

ამჟამად, იზოლაციის რეკომენდებული პერიოდი 14 დღეს შეადგენს. თუმცა, თუ ადამიანები სიმპტომების გაქრობის შემდეგ დიდი ხნის განმავლობაში გადამდები არიან, მათ შესაძლოა უნებლიედ გაავრცელონ პათოგენი კარანტინიდან დაბრუნების შემდეგ.

შედარებისთვის, მწვავე რესპირატორული სინდრომის მქონე პაციენტთა მხოლოდ მესამედს ჰქონდა ვირუსი რესპირატორულ ტრაქტში ოთხი კვირის გასვლის შემდეგ, – ამის შესახებ ჩინელმა მეცნიერებმა განაცხადეს. მათ შეისწავლეს კორონავირუსით ინფიცირებული 191 პაციენტის სამედიცინო ჩანაწერები და ლაბორატორიული მონაცემები.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

loading...

პოპულარული

zdnet.com: 4.9 მილიონზე მეტი ქართველის პირადი მონაცემები ინტერნეტში გავრცელდა
"საშინელი, უსაშველო ხველა ორი კვირა გაგრძელდა, ყველას სხვადასხვა რამ აგვტკივდა..." - რას ყვება ჰოლანდიაში მცხოვრები ქართველი, რომელიც კორონავირუსისგან სახლში განიკურნა
"თაიმ სქვერზე გვამების შესანახი მაცივრები გამოიტანეს... ეს შემზარავი სანახავია" - რას ჰყვება ნიუ-იორკში მცხოვრები ქართველი ჟურნალისტი
როდის არის მოსალოდნელი საქართველოში კორონავირუსის პიკი - თენგიზ ცერცვაძის განმარტება
დაწერე კომენტარი