შსს-მ პლასტიკური ბარათის ქურდობის და კომპიუტერულ სისტემაში შეღწევისთვის ერთი პირი დააკავა

სამართალდამცველებმა ქურდობის და კომპიუტერულ სისტემაში უნებართვო შეღწევის ბრალდებით, წარსულში ნასამართლევი ერთი პირი დააკავეს. გამოძიების ცნობით,ბრალდებული ერთ-ერთი მოქალაქის კუთვნილ საბანკო პლასტიკურ ბარათს გაურკვეველ ვითარებაში დაეუფლა და მისი გამოყენებით, რვა ეტაპად, სხვადასხვა რაოდენობის თანხა გადარიცხა Crystalbet.com-ის მის მიერ შექმნილ ანგარიშებზე და სუპერმარკეტში საყოფაცხოვრებო ნივთები შეიძინა.

სამართალდამცველებმა, ბრალდებულის საცხოვრებელი ბინიდან, აღნიშნული პლასტიკური ბარათი ნივთმტკიცებად ამოიღეს.დაკავებული ჩადენილ დანაშაულს აღიარებს. გამოძიება ქურდობისა და კომპიუტერულ სისტემაში უნებართვო შეღწევის ფაქტზე მიმდინარეობს.

დაწერე კომენტარი