შეწყვეტილი მაუწყებლობა და ევაკუირებული თანამშრომლები – აჭარის ტელევიზიაში ხანძარია

ხანძარი-აჭარა ტვ

აჭარის მაუწყებელის მუშაობა ხანძრის გამო შეფერხებულია. ინფორმაციას ამის შესახებ მაუწყებლობა ავრცელებს.

“12:40 საათზე აჭარის საზოგადოებრივი მაუწყებელი ტექნიკური ხარვეზის გამო გაითიშა. შენობაში, სადაც ტრანსფორმატორია განთავსებული, მოკლე ჩართვა მოხდა და ძლიერი დაკვამლიანება იყო.

დამწვარია ე.წ. ამომრთველი. ადგილზე სახანძრო სამაშველო ბრიგადები, რამდენიმე წუთში მივიდნენ და შენობიდან თანამშრომლების ევაკუაცია განხორციელდა. მეხანძრეებმა დაკვამლიანების კერა მალევე იპოვეს.

ადგილზე ამ წუთებშიც იმყოფებიან პოლიციისა და “ენერგო პრო-ჯორჯიას” წარმომადგენლები. მიმდინარეობს აღდგენითი სამუშაოები. ჯერჯერობით უცნობია, როდის აღუდგება ელექტროენერგიის მიწოდება ტელეკომპანიას და როდის განახლდება მაუწყებლობა.

სავარაუდოდ, ეთერში ვერ გავა 15:00 საინფორმაციო გამოშვება.

რამდენიმე წუთით შეფერხება იყო რადიოშიც, თუმცა მაუწყებლობა მალევე აღდგა” – აღნიშნულია ტელევიზიის მიერ გავრცელებულ ინფორმაციაში.

პოპულარული

"2 წლის ბიჭუნას 15 წლის ძმა დეკემბერში დაეღუპა, პატარა კი სიკვდილს ამ წუთებშიც ებრძვის"- ომარიკოს დახმარება სჭირდება
19 ოქტომბრის ასტროლოგიური პროგნოზი
თბილისში, გურამიშვილის გამზირზე ძლიერი აფეთქება მოხდა
ინტერნეტში შეპირებული დაუვიწყარი სექსი და მოტყუებული ახალგაზრდები - პოლიცია თაღლითს ეძებს
დაწერე კომენტარი