„შეცდომები გვაქვს დაშვებული” – “საქნახშირის” გენერალური დირექტორი მეშახტეებს შეხვდა

„საქნახშირის“ გენერალურ დირექტორს, ჯამბულ ჯაყელს მეშახტეებმა საკუთრი მოთხოვნები გააცნეს. მუშები მინდელის სახელობის შახტის ხელმძღვანელობის თანამდებობიდან გადაყენებას ითხოვენ. მეშახტეების თქმით, ბოლო პერიოდში გახშირდა ტრაგედიები და ისინი მოქმედ ხელმძღვანელობასთან აღარ იმუშავებენ. მეშახტეები ხვალ ტყიბულის მუნიციპალიტეტთან აქციის გამართვას გეგმავენ.

„ბოლო ერთი წლის განმავლობაში 16 კაცი გარდაიცვალა, ამ კადრს ვუცხადებთ უნდობლობას. ჩვენი თხოვნაა, ეს პასუხისმგებლობა აიღოთ და ეს კადრი ახლით ჩანაცვლდნენ. მე და მთელი მეშახტეები ვიქნებით პასუხსიმგებელნი, რომ გავალთ სამსახურში… ეს სისხლის მსმელები ვერ გაძღნენ, თქვენ რამდენსაც გატყუებენ, იმდენი გამარჯვება ჩემს შვილს. თქვენ ვერ გებულობთ, რამდენს გატყუებენ და ეს ხალხი წყდება,“- აცხადებენ მეშახტეები.

„საქნახშირის“ გენერალურმა დირექტორმა ტყიბულში მომხდარ ტრაგედიაზე ისაუბრა და შეცდომები აღიარა.

„შეცდომები გვაქვს დაშვებული, გასაყვანი მანძილიდან ხალხი ვერ გავიყვანეთ, ავაფეთქეთ და არ იყო ყველა გაფრთხილებული, ეს ჩემი ვარაუდებია. სრულყოფილად გამოძიება იტყვის. იქ ცვლის უფროსი იყო უბნის, ვისაც ეკუთვნოდა ხალხი და უბანი, იყო ვინტილაციის ცვლის უფროსი, უსაფრთხოებაც ეხებოდა, იყო ამფეთქებელი, იყო კიდევ შვიდი მუშა,“- განაცხადა ჯამბულ ჯაყელმა.

მინდელი სახელობის შახტი, სადაც სამი დღის წინ ტრაგედია დატრიალდა, ისევ დალუქული რჩება. „საქნახშირის“ გენერალური დირექტორი საკუთარ გადაწყვეტილებას აუქმებს და პრემიერის განკარგულებას ასრულებს.

ადმინისტრაციის ხელმძღვანელი მეშახტეებს შახტში ჩასვლას და სამუშაოების შესრულებას აღარ სთხოვს. ამის შესახებ ინფორმაცია დღეს მეშახტეებს მან თავად მიაწოდა, რომლებსაც ეზოში შეხვდა.

loading…

პოპულარული

ირაკლი კობახიძე და კახა კალაძე პარტიულ თანამდებობებს ტოვებენ - რას ვერ პატიობს ივანიშვილი „ოცნების“ აღმასრულებელ და გენერალურ მდივნებს
სამეგრელოში მესაფლავეებმა ერთი ქოთანი ოქროს მონეტები იპოვეს და ლომბარდში ჩააბარეს
"არანაირი დანაზოგი არ გვაქვს, საერთოდ უფულოდ ვრჩებით, მაინც მეფიქრება მომავალზე " - მაკა ჩიჩუა (ვიდეო)
"ცა ჩემომექცა... 18 წლის წარმატებული ფეხბურთელი ბიჭი იყო, რომელმაც პირველად მიიღო ნარკოტიკი, გასინჯა და თან გაგვიყოლა"
დაწერე კომენტარი