(ვიდეო)”მეც ყოფილი პოლიციელი ვარ და ჩემს ფორმას ახლაც კი ვინახავ” – ზაზა სარალიძე სამართალდამცავებს შეურაცხყოფისთვის ბოდიშს უხდის

ზაზა სარალიძე

ხორავას ქუჩაზე მოკლული მოზარდის, დავით სარალიძის მამა, ზაზა სარალიძე  პარლამენტის შენობასთან მივიდა  და სამართალდამცველებს შეურაცხყოფის მიყენების გამო ბოდიში მოუხადა.

 

„სამართალდამცველებს პირადად მინდა ბოდიში მოვუხადო. გუშინ ძალიან ანერვიულებული ვიყავი და პირადი შეურაცხყოფა მივაყენე, რისთვისაც ბოდიშს ვუხდი. ამას ძალიან ბევრჯერ გავიმეორებ იქიდან გამომდინარე, რომ მე ძალიან დიდი სამეგობრო მყავს არამარტო საპატრულო პოლიციაში, არამედ სპეცნაზში და ყველა სტრუქტურაში თითქმის, მეც ყოფილი პოლიციელი ვარ და ჩემს ფორმას ახლაც კი ვინახავ. აქედან გამომდინარე, რა შეურაცხყოფაც მივაყენე მათ, ამის გამო ძალიან დიდ ბოდიშს ვუხდი“, – განაცხადა ზაზა სარალიძემ.

შეგახსენებთ, რომ ზაზა სარალიძე შეუძლოდ პარლამენტის წინ მიმდინარე აქციაზე გახდა. ის საავადმყოფოში სასწრაფო დახმარების ბრიგადამ გადაიყვანა. ამას წინ უძღოდა სამართალდამცველებთან დაპირისპირება. რუსთაველზე კონფლიქტი მას შემდეგ დაიწყო, რაც საპატრულო პოლიციამ აქციის მონაწილეებს გზის გადაკეტვისა და პარლამენტის შენობის წინ კარვის გაშლის საშუალება არ მისცა. აქცია სარალიძის საავადმყოფოში გადაყვანის შემდეგაც გაგრძელდა და მთელი ღამის განმავლობაში მიმდინარეობდა.

პოპულარული

ერთი ბილეთით მარშუტკით, ავტობუსით და მეტროთი მგზავრობას შეძლებთ - თბილისის მერიის ახალი რეფორმა
ღობით გაყოფილი სათამაშო მოედანი თბილისში "მდიდრების" და "ღარიბებისთვის" - "მშობელმა ვისაც ფული არ აქვს, როგორ აუხსნას შვილს, რატომ თამაშობენ სხვა ბავშვები უკეთეს პირობებში"
ხვალიდან თამარ მეფის გამზირიდან გმირთა მოედნის მიმართულებით მოძრაობა 200 დღით გადაიკეტება
ტყვიის მაღალი დონე მონადირეების და მეთევზეების ოჯახებში და მომწამვლელი „კაკლის სატეხი“ - რა შედეგები აჩვენა კვლევამ საქართველოში
დაწერე კომენტარი