“ყველა უნდა ვებრძოლოთ კრიმინალურ მენტალიტეტს, იცოდნენ, რომ მდინარეში ეგდო მათი თანატოლი…წარმოუდგენელი საშინელება ტრიალებს მათ ცნობიერებაში” – დეკანოზი თამაზ ლომიძე შაქარაშილის საქმეზე

დეკანოზმა თამაზ ლომიძემ ქადაგებისას გიორგი შაქარაშვილის გარდაცვალების საქმეზე ისაუბრა. მან აღნიშნა, რომ კრიმინალურ მენტალიტეტს ყველა სასტიკად უნდა ვებრძოლოთ.

მისი განმარტებით, კრიმინალია, როცა საქმის ფიგურანტები გამოძიებათან არ თანამშრომლობენ, ისევე როგორც კრიმინალია, როცა მერიაში მიცემული ქრთამის შედეგად კორპუსებს დგამენ იქ, სადაც ამის ადგილი არ არის.

“ყველამ უნდა თავგამოდებით, სასტიკად ვებრძოლოთ ამ კრიმინალურ მენტალიტეტს. ოთხი დღე ეძებდნენ ახალგაზრდა ბიჭს. ამათმა იცოდნენ, რომ იქ სადღაც მდინარეში გდია მათი თანატოლი მკვდარი. წარმოგიდგენიათ? წარმოუდგენელი საშინელება ტრიალებს მათ ცნობიერებაში. აი ამ 17 კაციდან, შეიძლება მეტიც იყო 17-ზე, იციან, რომ იქ გდია და არცერთი არ მიდის და პოლიციას არ ეუბნება, რომ აი იქ არის, ჩვენ მოვკალით, ან იმან მოკლა, სხვამ მოკლა. წარმოგიდგენიათ რა ხდება მათ ცნობიერებაში? მერიაში რომ სიტყვაზე ქრთამს მისცემ ვიღაცას და სახლს იქ დაგადგმევინებენ, სადაც არ შეიძლება და მეზობელს რომ მზეს ჩაუბნელებ, კრიმინალი ხარ, აბა რა ხარ. ასეა ყველა სფეროში და მოდებული აქვს ეს კიბოსავით ჩვენს ქვეყანას”, – ამბობს დეკანოზი თამაზ ლომიძე.

დაწერე კომენტარი