„რაღაც ეშმაკური სვლა გააკეთეს და გარკვეულმა ჯგუფებმა”-„ქართული იდეის“ წარმომადგენლები მთავრობის ადმინისტრაციასთან შეკრებას გეგმავენ

გია კორკოტაშვილი

„ქართული იდეის“ წარმომადგენლები მთავრობის ადმინისტრაციასთან შეკრებას გეგმავენ. როგორც „ინტერპრესნიუსს“ ორგანიზაციის ერთ-ერთმა ლიდერმა გია კორკოტაშვილმა განუცხადა, „ქართული იდეის“ წევრები და მათი მომხრეები ადმინისტრაციასთან პრევენციის მიზნით შეიკრიბებიან. მისი თქმით, ლგბტ თემის წარმომადგენლების გუშინდელი განცხადება ერთგვარი პასუხისმგებლობის მოხსნა იყო. კორკოტაშვილი ფიქრობს, რომ ლგბტ თემის წარმომადგენლები მთავრობის ადმინისტრაციასთან მაინც შეიკრიბონ.

„რაღაც ეშმაკური სვლა გააკეთეს და გარკვეულმა ჯგუფებმა, ძირითადმა ლგბტ თემმა მოიხსნეს პასუხისმგებლობა და შეუძლია გამოვიდნენ და თავისუფლად თქვან – ჩვენ აზრზე არ ვართ ვინ შეიკრიბა იქ, ადამიანები თავისუფლები არიან თავის ქმედებაში და როგორც უნდა ისე მოიქცევიან. ამიტომ, ჩვენ შევიკრიბებით, ერთმანეთს მოვეფერებით და დავიშლებით, რათა მათ ზეიმის ჩატარების საშუალება არ მივცეთ. სურვილი ვისაც ექნება და ვიცი, რომ საკმაოდ დიდ რაოდენობას აქვს, 17:00 საათიდან შევიკრიბებით მთავრობის ადმინისტრაციასთან. ამ ტერიტორიაზე აქციის გამართვაზე „ქართულ იდეას“ შეტანილი გვაქვს განცხადება და შესაბამისად, ჩვენ შეკრებაში არაფერი კანონსაწინააღმდეგო არაფერი არ იქნება“, – განაცხადა კორკოტაშვილმა.

შეგახსენებთ, „თანასწორობის მოძრაობა“ ჰომოფობიასა და ტრანსფობიასთან ბრძოლის საერთაშორისო დღესთან დაკავშირებით აქციას აღარ გამართავს. ამ ინფორმაციის გავრცელების შემდეგ, „ქართულმა მარშმა“ დღეს დაგეგმილი აქციები გააუქმა.

ამასთან, როგორც “ქართული მარშის” ერთ-ერთმა ლიდერმა, სანდრო ბრეგაძემ აღნიშნა, “ქართული მარში” აქციას იმ შემთხვეაში, გამართავს, თუ ლგბტ თემის წარმომადგენლები მთავრობის ადმინისტრაციასთან შეიკრიბებიან.

“ipn”

loading…

პოპულარული

"განსაკუთრებით სამწუხაროა, რომ ადგილი აქვს დაბალი იერარქიის სასულიერო პირების მხრიდან მაღალი იერარქების შეურაცხყოფას"- მეუფე გრიგოლი
"ვფიქრობ რომ ამ მხილებამ და მოწოდებამ უნდა გამოიღოს ნაყოფი..." - ჭყონდიდელი მიტროპოლიტი მეუფე სპირიდონისთვის გაგზავნილ წერილზე
სკანდალი: "ქართულ სახლში" "ოცნების" ჩინოვნიკების დაპირისპირება "ქურდებთან" "რაზბორკით" გაგრძელდა
პარტიული რევოლუცია ბიძინა ივანიშვილის დასამხობად - რა მოლაპარაკებებს მართავდნენ კვირიკაშვილი და ხაზარაძე (ვიდეო)
"ქართული ოცნების“ სადამსჯელო ბრიგადები - დაუსჯელი ზონდერები, რომლებიც კორცხელში პოლიტიკოსებს სცემდნენ, ახლა კი გამოჩენილ სპორტსმენებს უსწორდებიან (ვიდეო)
"ოეე,კალ'ა,თავს შიგნიდან უნდა პირველ რიგში მოვლა და არა გარედან" - მიხეილ სააკაშვილი
"მერის მასშტაბური სექსუალური ფანტაზია პირველ სიყვარულთან" - გია ხუხაშვილი კალაძის განცხადებაზე
"ქალაქის შტერი!... ვაღიარებ - ნარმანია ბევრად ღირსეული მერი იყო ვიდრე კალაძე" - ნიკა მელია
ვინ არიან "ყაზტრანსგაზის" დაკავებული თანამშრომლები - ფოტოები
დაწერე კომენტარი