ქართველი სამხედროების შესაძლო გასამართლება ჰააგაში – თეა წულუკიანი საკუთარ განცხადებას უარყოფს და ოპოზიციას პროვოკაციაში ადანაშაულებს

საქართველოს იუსტიციის მინისტრი, თეა წულუკიანი თავის განცხადებას უარყოფს, რომელიც ჰააგის სასამართლოში ქართველი სამხედროების შესაძლო გასამართლებას შეეხება.

მინისტრი ოპოზიციას დეზინფორმაციის გავრცელებასა და პროვოკაციაში ადანაშაულებს. წულუკიანი ამბობს, რომ “ნაციონალური მოძრაობა” ჯარის პოლიტიზირებას ცდილობს.

თეა წულუკიანი საპრეზიდენტო არჩვენების მეორე ტურსაც ეხმაურება და აღნიშნავს, რომ გაერთიანებული ოპოზიციის საპრეზიდენტო კანდიდატი, გრიგოლ ვაშაძე ვერ გაიმარჯვებს.

„პროვოკაციას, რომელიც ხორციელდება, არავითარი შედეგი არ უწერია. ერთადერთი შედეგი, რაც შეიძლება დადგეს „ნაციონალური მოძრაობისთვის“ მეორე ტურში, ეს არის მარცხი, მარცხი მათ შორის, არა მხოლოდ დედაქალაქში და დიდ ქალაქებში, არამედ რეგიონებშიც, სოფლად და დაბად, იმიტომ, რომ ეს ხალხი უკვე კადრულობს იმას, რომ შეეცადოს ჯარის პოლიტიზირებას, არადა ჯარს ყველაზე კარგად ახსოვს, რა ხდებოდა „ნაციონალური მოძრაობის“ ხელისუფლების დროს,“ – განაცხადა თეა წულუკიანმა.

რამდენიმე დღის წინ იუსტიციის მინისტრმა, თეა წულუკიანმა განაცხადა, რომ სისხლის სამართლის საერთაშორისო სასამართლოს პროკურორმა შესაძლოა, აგვისტოს ომის მონაწილეების დაკავების მოთხოვნით, ჰააგის სასამართლოს მიმართოს.

წულუკიანის მტკიცებით, პროკურორი მიიღებს ინდივიდუალურ პირებზე გადაწყვეტილებას და საქართველოს ხელისუფლება არ იქნება წარმოდგენილი როგორც მხარე.

loading…

პოპულარული

„სამედიცინო პერსონალი არის აგრესიული, არ უნდათ ვინმემ გამოიტანოს რეალური ვითარება“ - ადვოკატის განცხადებით დეკანოზის მდგომარეობა დამძიმდა
„ზიარების შეფერხება არ ხდება, ნებისმიერ მღვდელს თუ მღვდელმთავარს შეუძლია აზიაროს“ - მამა ანდრია ჯაღმაიძე დეკანოზ გიორგი მამალაძეზე
„ვუსურვებ მალე გამოჯანმრთელებას“ - მეუფე ანდრია გვაზავა დეკანოზ გიორგი მამალაძეს
„ჩემი ძმისგან გამოგზავნილი წერილები მაქვს, თუკი რაიმე მოუვა, ნათელი მოეფინება ყველაფერს“ - თორნიკე მამალაძე საპატრიარქოს პასუხისმგებლობას აკისრებს
„სოლიდარობა მამა გიორგის“ - დეკანოზ გიორგი მამალაძის მხარდასაჭერად საპატრიარქოსთან ხვალ აქცია გაიმართება
„ნუ შე---ცით ვააა! მე და მთელი ჩემი წინაპრები კუზანოვებმა აგვაწყვეს“ - ნინო ნადირაძე
სკანდალური გრიფით საიდუმლო მასალები ლადო ბედუკაძეზე - გმირად შერაცხული ჯალათი გლდანის ციხიდან (ვიდეო)
„მოგეკითხებათ პირველ რიგში თქვენ, უწმინდესო და უნეტარესო“ - ელისო კილაძე დეკანოზ გიორგი მამალაძის მდგომარეობაზე
„ეგრეთ წოდებული სასულიერო პირების კისერზე იყოს, მიმიფურთხებია მაგათი ღირსებისთვის“ - ადვოკატი დეკანოზ მამალაძის მდგომარეობაზე
დაწერე კომენტარი