უპრეცედენტოდ აგრესიული და შეურაცხმყოფელი კამპანია არასამთავრობო ორგანიზაციების წინააღმდეგ – ომბუდსმენი წინასაარჩევნო პერიოდს აფასებს

ნინო ლომჯარია

უპრეცედენტოდ აგრესიული და შეურაცხმყოფელი კამპანია არასამთავრობო ორგანიზაციების წინააღმდეგ – ასე აფასებს სახალხო დამცველი წინასაარჩევნო პერიოდში შეტევას მესამე სექტორზე.

ნინო ლომჯარიამ გასული წელი შეაჯამა. ომბუდსმენმა წლის შემაჯამებელ დოკუმენტში ქვეყანაში არსებულ ადამიანის უფლებათა მდგომარეობაზე ისაუბრა და საპრეზიდენტო არჩევნებზე გამოვლენილ დარღვევებზე გაამახვილა ყურადღება.

შემაჯამებელ დოკუმენტში მოხვდა საპრეზიდენტო არჩევნების პერიოდი, რომელსაც ნინო ლომჯარია საკმაოდ კრიტიკულად აფასებს და აღნიშნავს, რომ პოლარიზებულ ვითარებაში და სიძულვილის ენის გამოყენების ფონზე წარიმართა საპრეზიდენტო არჩევნების როგორც პირველი, ასევე მეორე ტური.

„ძალიან დაძაბულ, პოლარიზებულ ვითარებაში და სიძულვილის ენის გამოყენების ფონზე მიმდინარეობდა წინასაარჩევნო პერიოდი, განსაკუთრებით კი მეორე ტურის წინასაარჩევნო პერიოდი საპრეზიდენტო არჩევნებისთვის,“ – ამბობს ომბუდსმენი.

ნინო ლომჯარიას შეფასებით, განსაკუთრებით აგრესიული კამპანია იყო მიმართული არასამთავრობო სადამკვირვებლო ორგანიზაციების მიმართ.

„უპრეცენდენტოდ აგრესიული და შეურაცხმყოფელი კამპანიის სამიზნე გახდნენ არასამთავრობო სადამკვირვებლო ორგანიზაციები. ასევე, წინასაარჩევნო პერიოდში ვრცელდებოდა არაერთი ინფორმაცია საჯარო მოხელეებზე, კერძო სექტორში დასაქმებულ პირებსა და ამომრჩევლებზე სხვადასხვა ტიპის ზეწოლის და მოსყიდვის შემთხვევების შესახებ, განსაკუთრებით საგანგაშო იყო ფიზიკური ანგარიშსწორების ფაქტების შესახებ ინფორმაცია,“ – განაცხადა ნინო ლომჯარიამ.

პოპულარული

22 მაისი ლევან აბაშიძის დაბადების დღეა - "როცა ლევანი ჩამოასვენეს, მისი სახლის ფანჯრების წინ წარწერა გაჩნდა..."
"ოქრო დაულომბარდებია და ღამე სასტუმროში ბიჭთან ერთად გაუტარებია"- სასტიკ მკვლელობაში ბრალდებული დედის შესახებ ახალი დეტალები ვრცელდება
"ქორწილი მაქვს და გთხოვთ, გაითვალისწინოთ, შეცდომა დავუშვი"- ფეხბურთელი ლაშა ჩაფიძე
"უმძიმესი იყო პროცესიის ყურება და მოსმენა...მძულს ყველა ამბავი, რომლის ამოხსნაცა და გამოძიებაც უბრალოდ შეუძლებელია" - დავით ქაშიაშვილი აღაიანში მომხდარ მკვლელობაზე
დაწერე კომენტარი