უკრაინიდან გაძევებული მიხელ სააკაშვილი ვარშავაში პირველ პრესკონფერენციას გამართავს

სააკაშვილი

უკრაინიდან გაძევებული მიხელ სააკაშვილი რამდენიმე საათში  ვარშავაში პირველ პრესკონფერენციას გამართავს და საკუთარი პოლიტიკური გეგმების შესახებ პოლონეთიდან ისაუბრებს.

„ახალ ძალთა მოძრაობის“ ლიდერთან კიევიდან ვარშავაში ჩასვლას მისი პარტიის წევრები გეგმავენ. საქართველოს მესამე პრეზიდენტი აანონსებს, რომ უკრაინაში დაბრუნდება და ამისათვის ყველა კანონიერ გზას გამოიყენებს. პარტიის ლიდერის ქვეყნიდან გაძევების მიუხედავად სააკაშვილის ახალ ძალთა მოძრაობაში ამბობენ, რომ პოლიტიკური გეგმები არ იცვლება და კვირას, დაგეგმილი მარში პოროშენკოს წინააღმდეგ მაინც გაიმართება.

მიხეილ სააკაშვილის გატაცება რესტორნის სათვალთვალო კამერებმა გადაიღეს. ერთ წუთიანი ვიდეომასალა კი სოციალურ ქსელში გავრცელდა. კადრებში ჩანს, როგორ შედის 20-მდე ფორმიანი მამაკაცი კიევის ერთ-ერთ რესტორანში, სადაც მიხეილ სააკაშვილი იმყოფებოდა. შენობაში სპეცრაზმელებმა ძალა რამდენჯერმე გამოიყენეს.

უკრაინის სასაზღვრო სამსახურმა სააკაშვილის გატაცებიდან მხოლოდ სამი საათის შემდეგ დაადასტურა, რომ ის იმ ქვეყანაში დააბრუნეს, საიდანაც სექტემბერში უკრაინის საზღვარი გადაკვეთა.

ლუცენკოს უწყებაში ამბობენ, რომ სასაზღვრო სამსახურს მიხეილ სააკაშვილის ქვეყნიდან გაძევების ოპერაციის შესახებ არ უცნობებია, რაც მათთვის მოულოდნელობა იყო. ოპოზიციის ლიდერი კი ამ დროს უკვე ჩარტერული რეისით პოლონეთში მიფრინავდა. გაძევებიდან რამდენიმე საათში ის ვარშავის აეროპორტში პოლონეთის სასაზღვრო სამსახურს გადასცეს.

მიხეილ სააკაშვილის დაკავებასა და გაძევებას გამოეხმაურნენ უკრაინელი პოლიტიკოსები. პრეზიდენტის ადმინისტრაციასთან მიხეილ სააკაშვილის თანამოაზრეებმა საპროტესტო აქცია გამართეს.

პოპულარული

" მეზიზღებით! დამალეთ ეს ქვეყანა !"- ქართველი გოგონას მწვავე წერილი საოცნებო ამერიკიდან
"პატიება არ გაბედოთ, მობრწკენაზეც გქონდეთ უმწვავესი რეაქცია... ჩაუჯექით პატრულს მანქანაში და არ გამოხვიდეთ სანამ არ გამოკეტავთ ციხეში!" - ნანუკა გულუა ხაშურში მომხდარ დაჭრაზე
რა გელოდებათ აპრილში ზოდიაქოს ნიშნების მიხედვით? - ასტროლოგიური პროგნოზი
"ბედის ირონიაა, მდინარაძე რამდენიმე პიროვნებას ჩემს შესახებ წერდა მესიჯს და შემთხვევით ჩემთან გამოეგზავნა"- ბესელია
დაწერე კომენტარი