ტრამპი კიმ ჩენ ინზე: მას სხარტი აზროვნება აქვს (ვიდეო)

დონალდ ტრამპი

აშშ-ის 45-ე პრეზიდენტმა დონალდ ტრამპმა პრეზიდენტობის 100 დღე ტელეკომპანია CBS-ის ჟურნალისტთან ინტერვიუში შეაჯამა. მან სხვადასხვა თემაზე გაამახვილა ყურადღება. მათ შორის აშშ-სა და ჩრდილოეთ კორეას შორის არსებულ დაძაბულობაზეც ილაპარაკა.

ჩრდილოეთ კორეის პრეზიდენტის კიმ ჩენ ინის შესახებ, ჟურნალისტმა ტრამპს მოსაზრება ჰკითხა, რაზეც პრეზიდენტმა უპასუხა:

“ადამიანები შეკითხვას სვამენ აქვს თუ არა კიმ ჩენს ინს საღი აზროვნება. წარმოდგენა არ მაქვს. ერთს ვიტყვი და ვიცი, რომ ბევრს არ სიამოვნებს, როდესაც ამას ვამბობ. კიმ ჩენ ინი 26 თუ 27 წლის იყო, როდესაც მამა გარდაეცვალა და მისი ძალაუფლება აიღო ხელში. ის არაერთ მოწინააღმდეგეს გაუსწორდა, მათ შორის გენერლებსა და სხვებს. მან ასეთ ახალგაზრდა ასაკში შეძლო ძალაუფლების შენარჩუნება, რომლის წართმევასაც ბევრი ეცადა, იყო ეს ბიძამისი თუ სხვა ვინმე. მან შეძლო ეს. ის საკმაოდ სხარტი აზროვნებისაა. ამ ყველაფრის მიუხედავად, ფხენიანთან ჩვენ გვაქვს მდგომარეობა, რომელიც აღარ უნდა გაგრძელდეს”, – განაცხადა დონალდ ტრამპმა.

მისი თქმით, ჩრდილოეთ კორეასთან პრობლემა ჯერ კიდევ კლინტონის ადმინისტრაციას უნდა მოეგვარებინა, თუმცა ვერ შეძლო ვერც ბილ კლინტონმა, ვერც უმცროსმა ჯორჯ ბუშმა და ვერც ბარაკ ობამამ.

29 აპრილს ჩრდილოეთ კორეამ მორიგი ბალისტიკური რაკეტა გამოსცადა. თუმცა სამხრეთკორეელი სამხედროების თქმით, გამოცდა ისევ წარუმატებელი იყო – რაკეტა გაშვებიდან რამდენიმე წამში ჰაერში აფეთქდა. ეს მას შემდეგ მოხდა, რაც ოფიციალურმა ვაშინგტონმა  სამხრეთ კორეაში THAAD-ის ანსიტასარაკეტო თავდაცვის სისტემა განათავსა, რომელმაც მიზანთან მიახლოებისას ახლო და საშუალო რადიუსის რაკეტები უნდა გაანადგუროს. ამასთან, თეთრმა სახლმა გაავრცელა ოფიციალური განცხადება, რომელსაც ხელს აწერენ სახელმწიფო მდივანი რექს ტილერსონი, თავდაცვის მინისტრი ჯეიმს მეტისი და ეროვნული დაზვერვის დირექტორი დენ ქოუთსი. განცხადებაში ნათქვამია, რომ აშშ-ის პრეზიდენტის დონალდ ტრამპის სტრატეგია ჩრდილოეთ კორეასთან დაკავშირებით, ფხენიანზე ზეწოლა და მისი იძულებაა უარი თქვას ბირთვული იარაღის და ბალისტიკური რაკეტების შექმნის პროგრამებზე.

 

პოპულარული

ჯანდაცვის სამინისტროში საგანგებო შეხვედრა ჩაინიშნა - ქართველი მედიკოსების გაფრთხილება კორონავირუსთან დაკავშირებით
ბათუმში მირქმის ტაძარი გაქურდეს - წაღებულია 100 ლარი და თაფლი
უმძიმესი ავარია ქვიშხეთთან - მანქანაში მყოფი მგზავრები მათ შორის 4 ბავშვი სავარაუდოდ დაღუპულია (ვიდეო)
მაიორ დვალიშვილს, რომელმაც ლევან იზორიას ძმისსკანდალური კადრები გაასაჯაროვა, ხელისუფლება ატერორებს - საგანგებო განცხადება
ახალი სკანდალური დეტალები ბავშვთა პორნოგრაფიის საქმეში - მშობლებისა და შვილების მიმოწერა, რომელშიც ისინი განიხილავენ რა ფასად გაშიშვლდებიან გოგონები კამერის წინ (ვიდეო)
კორონოვირუსით დაავადებულთა რიცხვი 90 000-ია - უცნობი ჩინელი მედდას სენსაციური ვიდეომიმართვა მსოფლიოს
უმძიმესი ავარია ქვიშხეთთან - მანქანაში მყოფი მგზავრები მათ შორის 4 ბავშვი სავარაუდოდ დაღუპულია (ვიდეო)
26 იანვრის ასტროლოგიური პროგნოზი
ჩინეთში კორონავირუსით ინფიცირებული ადამიანის განკურნების პირველი შემთხვევა დაფიქსირდა
დაწერე კომენტარი