სურთ საზოგადოებაში გააჩინონ ეჭვი, რომ მალხაზ მაჩალიკაშვილი ტერორიზმთან არის კავშირში – კუბლაშვილი

მარიამ კუბლაშვილი

პანკისში ანტიტერორისტული სპეცოპერაციისას მოკლული 19 წლის თემირლან მაჩალიკაშვილის მამა, მალხაზ მაჩალიკაშვილი, სახელმწიფო უსაფრთხოების სამსახურში გამოკითხვაზე მივიდა.

მაჩალიკაშვილი გომელაურის უწყებაში დღეს მესამედ გამოიკითხება. მას დაკითხვაზე შესვლის წინ მედიასთან კომენტარი არ გაუკეთებია.

როგორც ადვოკატი აცხადებს, მაჩალიკაშვილის გამოკითხვა ფორმალურ ხასიათს ატარებს.

მარიამ კუბლაშვილი ამბობს, რომ მალხაზ მაჩალიკაშვილს ტერორიზმის მხარდაჭერისა და დაფინანსების საქმეზე გამოჰკითხავენ, რაც მისივე თქმით გაუგებარია, რადგან ამ საქმეზე გამოძიება უკვე დასრულდა და სასამართლომ განაჩენიც გამოაცხადა.

დაცვის მხარისთვის გაუგებარია, რატომ არ დაიბარეს შვილმოკლული მამა ტერორიზმის საქმის გამოძიების საწყის ეტაპზე და რატომ გახდა მისი გამოკითხვა საჭირო განაჩენის გამოტანის შემდეგ.

კუბლაშვილის განცხადებით, არსებობს ეჭვი, რომ სახელმწიფო უსაფრთხოების სამსახური ცდილობს საზოგადოებაში გააჩინოს აზრის, რომ მოკლული თემირლანმაჩალიკაშვილის მამა ტერორიზმთან კავშირშია.

პოპულარული

"ყ..ზე დაიკიდე," - ირაკლი კობახიძე პარლამენტის სხდომაზე უწმაწურად საუბრობს (ვიდეო)
„6 თვე საქართველოდან და ოჯახისგან შორს ყოფნა ვერ გაუძლო შენმა პატარა გულმა“ - ვინ არის იტალიაში გარდაცვლილი 36 წლის ქართველი ქალი
თეა დარჩიას და აჩიკო სოლოღაშვილის ცეკვა, რომელსაც ინტერნეტში დიდი გამოხმაურება მოჰყვა (ვიდეო)
"ხვალ, 19 აპრილს ძალიან მნიშვნელოვანი დღეა" - მიხეილ ცაგარელი საზოგადოებას მიმართავს
დაწერე კომენტარი