სპეცოპერაცია პანკისში – კობახიძე არ გამორიცხავს საკითხის განხილვა ნდობის ჯგუფის ფორმატში მოხდეს

საქართველოს პარლამენტის თავმჯდომარე ირაკლი კობახიძე პანკისის ხეობაში ცატარებულ სპეცოპერაციაზე საუბრისას არ გამორიცხავს, რომ ნდობის ჯგუფის შეხვედრა შედგეს. ჟურნალისტებთან საუბრისას კობახიძემ განაცხადა, რომ პარლამენტის საზედამხედველო ფუნქციები ანალოგიურ სიტუაციებში არის ძალიან სუსტი და ფუნქციების ეფექტურ გაზრდაზე მუშაობა უკვე მიმდინარეობს:

„ნდობის ჯგუფი შეხვედრა უკვე შედგა, როცა საქმე ეხებოდა სპეცოპერაციას თბილისში. არც გამოვრიცხავთ, რომ ანალოგიურად შეიკრიბოს ნდობის ჯგუფი სხვა საკითხებზე, მათ შორის პანკისში სპეცოპერაციასთან დაკავშირებით. ეს არის ნდობის ჯგუფის ფუნქცია და ბუნებრივია, საქართველოს პარლამენტში ეს მექანიზმი უნდა იყოს აქტიურად გამოყენებული. რაც შეეხება საზედამხედველო ფუნქციებს, არაერთხელ გვითქვამს, რომ ამ მიმართულებით პარლამენტის რესურსები არის ტრადიციულად ძალიან სუსტი, ჩვენ გვჭირდება რესურსების განვითარება, რათა უკეთ განვახორციელოთ საზედამხედველო ფუნქციები. ეს არის ჩვენი ერთ-ერთი ამბიცია და ამ კუთხით მუშაობა მიმდინარეობს. დარწმუნებული ვარ, სამი წლის თავზე, როდესაც ეს პარლამენტი ამოწურავს თავის უფლებამოსილებას, თვისობრივად განსხვავებულ ინსტიტუციას მივიღებთ”, – აღნიშნა ირაკლი კობახიძემ.

loading…

პოპულარული

ერთ კვირაში გაზი გაძვირდება!
„ამის გამკეთებელი არის ნაძირალა“ - გორში ფერმერს ვაშლის 128 ხე მოუჩეხეს (ფოტოები)
„ბოლო წლებმა დამარწმუნა, რომ ადამიანს ადამიანისთვის არათუ ტალახის სროლა, პირდაპირი გაგებით ხორცის გლეჯვაც შეუძლია“ - პაატა ბურჭულაძე განცხადებას ავრცელებს
"ცეკვავენ ვარსკვლავები“ მოულოდნელი შედეგით დასრულდა - ვინ გავარდა შოუდან (ვიდეო)
დაწერე კომენტარი