სპეციალური ოპერაციების ძალებში უფლებამოსილების გადაბარების ცერემონიალი გაიმართა

სპეციალური ოპერაციების ძალებს ახალი მეთაური ჰყავს. პოლკოვნიკი დიმიტრი კიკნაძე ვიცე-პოლკოვნიკმა თეიმურაზ ყლატეიშვილმა შეცვალა. მეთაურის უფლებამოსილების გადაბარების ცერემონიალს საქართველოს თავდაცვის მინისტრი დაესწრო. ლევან იზორიამ სპეციალური ოპერაციების ძალების ყოფილ უფროსს გაწეული სამსახურისთვის მადლობა გადაუხადა და აღნიშნა, რომ წელს ქვედანაყოფში რეგიონული პრინციპით რეორგანიზება იგეგმება.

უკვე განხორციელებული და მომავალში დაგეგმილი რეფორმების შედეგად ამაღლდება სპეციალური ოპერაციების ძალების ნატოსთან თავსებადობა, ჩამოყალიბდება სპეციალური ოპერაციების ტაქტიკური ჯგუფები, რომლებსაც შტაბების კომპონენტების მეშვეობით ავტონომიური ოპერირების უნარი ექნებათ და სახმელეთო ჯარების დასავლეთ და აღმოსავლეთ სარდლობებს ქმედით და ეფექტურ დახმარებას აღმოუჩენენ. აღნიშნული რეფორმების მიზანია მობილური, უფრო ბრძოლისუნარიანი დანაყოფების ჩამოყალიბება, ასევე მართვისა და კონტროლის სისტემის დახვეწა.

დღესვე საქართველოს თავდაცვის მინისტრმა და შეიარაღებული ძალების გენერალური შტაბის უფროსმა, გენერალ-მაიორმა ვლადიმერ ჩაჩიბაიამ სპეციალური ოპერაციების ძალების წარმომადგენლები უწყებრივი მედლებით დააჯილდოვეს.

ღონისძიების დასასრულს საჩვენებელი სწავლება გაიმართა, რომელსაც თავდაცვის მინისტრთან ერთად ნატოს სპეციალური ოპერაციების ძალების სარდალი, ვიცე-ადმირალი ქოლინ ჯ. კილრაინი და პოლონეთის სპეციალური ოპერაციების ძალების მეთაური, ბრიგადის გენერალი ვოისცეკ მარჰვიცა დაესწრნენ.

loading…

პოპულარული

საქართველოს პატრიარქი საგანგებო მიმართვას ავრცელებს - ილია მეორე სასულიერო პირებს თავშეკავებისკენ მოუწოდებს
"თქვენ არ გაქვთ იდეალები და ფულის გარდა არაფერი გაერთიანებთ, ეს აგრესია გამოწვეულია იმით, რომ წინასწარ იცით სასტიკად დამარცხდებით"- გრიგოლ ვაშაძე ენმ-ს დეპუტატის ცემის ფაქტზე
„გრიგორიჩ დაგიძველდა ვირეშმაკული მეთოდები...“ - სააკაშვილი ივანიშვილს მიმართავს (ვიდეო)
სალომე ზურაბიშვილი მიმართვას ავრცელებს და მედიასაშუალებებს მისი განცხადებების ინტერპრეტაციაში ადანაშაულებს
ზეწოლა "იბერიასა" და "ომეგა ჯგუფზე" - ნატო ჩხეიძე მაღალჩინოსანთა გვარების დასახელებას აანონსებს
"სკოლიდან მოსულმა, ღირსებაშელახულმა რამდენიმე კითხვა დამისვა..." - ბულინგი მასწავლებლის მხრიდან ქუთაისის ერთ-ერთ სკოლაში
"ბევრი გოგო მწერს... იქნებ ვისთან ვწევარ იმწუთას, როცა შენ მწერ?" - გიორგი გასვიანი
გორის N1 სკოლის მოსწავლეები მარიხუანის ზემოქმედების ქვეშ იყვნენ (ვიდეო)
"მაქსიმეს მომხდარის გამო ბოდიშს მოუხდის... იმედი მაქვს გაკვეთილზე "კაპიშონით" აღარ იჯდება" - რა უთხრა მასწავლებელმა მშობელს შესაძლო ბულინგის შესახებ
დაწერე კომენტარი