რა სიურპრიზებს უმზადებს ბავშვებს ნაძალადევის გამგეობა

ერთად აღვნიშნოთ ბავშვთა დაცვის საერთაშორისო დღე!

ნაძალადევის რაიონის გამგეობის ორგანიზებით, 1 ივნისს ვეტერანთა კულტურისა და დასვენების (კიკვიძის) პარკში ბავშვებისა და მოზარდებისთვის გასართობი ღონისძიება გაიმართება. მათთვის საზეიმო განწყობის შექმნაზე ანიმატორები იზრუნებენ, გაიმართება კონცერტი, სპორტული შეჯიბრებები, მოეწყობა წიგნებისა და ყვავილების გამოფენა-გაყიდვა. ასევე პატარა სტუმრებს და მათ მშობლებს საშუალება ექნებათ დაათვალიერონ ახლადგახსნილი მედიათეკა. საინფორმაციო ტურის დროს მედიათეკის დამთვალიერებლები ყველა სიახლეს და შეთავაზებას გაეცნობიან. პარკში მისულ ყველა პატარას კიდევ ბევრი საჩუქარი ელის.

ბავშვთა დაცვის საერთაშორისო დღის აღსანიშნავი გასართობი ღონისძიება ვეტერანთა კულტურისა და დასვენების პარკში 15:00 საათიდან დაიწყება და 18:00 საათამდე გაგრძელდება.

დაწერე კომენტარი