(ვიდეო) სიტყვიერი დაპირისპირება ადამიანის უფლებათა დაცვის კომიტეტის სხდომაზე

ადამიანის უფლებათა დაცვის კომიტეტის სხდომაზე მირზა სუბელიანის სკანდალურ განცხადებებზე საპარლამენტო უმცირესობის წევრმა ელენე ხოშტარიამ კომიტეტის თავმჯდომარეს რეაგირება მოსთხოვა. სხდომაზე სიტყვიერი დაპირისპირება მოხდა.

„მე გეკითხებით პარლამენტი რა როლს შეასრულებს ამ ავტომატჩიკიანებისგარიგებული პროკურორების ამ რაღაც საშინელებაში.

მაშინ, როდესაც თქვენი პარტიის ხელმძღვანელი იძახის, რომ ბავშვური ტრაგედია იყოო,  თურმე ამ ბავშვური ტრაგედიის უკან დგას კრიმინალური, მაფიოზური დაჯგუფება მთელი სახელმწიფოს მასშტაბით. თქვენა აქ მე მპასუხობთ, რომ გამოძიებას უნდა დაველოდოთ. გეკითხებით, პარლამენტი სასწრაფოდ რას გააკეთებს იმისთვის, რომ პასუხი გაეცეს ასეთ საშინელებას“ – მიმართა ხოშტარიამ სოფო კილაძეს.

კილაძემ კი ხოშტარიას კვლავ წინა ხელისუფლების დროს ადამიანის უფლებების დარღვევის ფაქტები შეახსენა:

„გეუბნებით პირდაპირ, რომ ეს არის პირველ რიგში გამოძიების პრეროგატივა, თქვენ რა პოლიტიკურ შეფასებას მისცემთ, ეს სიმართლე გითხრათ მეორე ხარისხოვანია.

„ახლა რომ გაგახსენდათ თურმე, რომ დამნაშავეები იყავით აქამდე სად იყავით? ხალხმა სწორედ იმიტომ  არ მოგცათ ხმა და გითხრათ უარი თქვენს პოლიტიკურ ძალას, რომ ასეთი უბედურებები ხდებოდა ქვეყანაში“- განაცხადა სოფო კილაძემ

საუბარია იმ სკანდალურ აუდიო ჩანაწერზე, რომელიც „რუსთავი2“-მა გუშინ გაავრცელა.ჩანაწერში მირზა სუბელიანი ხელისუფლების არაერთ დანაშაულში ამხელს და ამბობს, რომ მას 50 კაციანი შეიარაღებული ჯგუფი ჰყავს.

loading…

პოპულარული

კულტურის ყოფილი მინისტრი ავარიაში მოყვა - მიხეილ გიორგაძის მდგომარეობა მძიმეა
14 წლის წინ გაუჩინარებული ბიჭის ცხედრის სამძებრო ღონისძიებები - გორის პარკში კრიმინალისტებმა ლურჯი, წითელი და ყვითელი მონიშვნები მოხსნეს
კალაძის პასუხი გრიგოლ ვაშაძის საბანკო ინიციატივაზე
ივანიშვილ-პუტინის კონსპირაციული გეგმა ოკუპირებულ რეგიონებში, ზურაბიშვილის გაპრეზიდენტებით უნდა დაწყებულიყო
დაწერე კომენტარი