“სისხლიანი ჟანდარმი გადადგა კი არა, იქეთ დაიწყო სხვების დაჭერა”- ნიკა გვარამია

ტელეკომპანია რუსთავი2-ის გენერალური დირექტორი ნიკა გვარამია, 20-21 ივნისის მოვლენებთან დაკავშირებით დაკავებების დაწყებას ეხმაურება:


„20 ივნისის სისხლიანი ჟანდარმი გადადგა და პასუხისგებაში მიეცა კი არა, იქეთ დაიწყო სხვების დაჭერა ჯგუფური ძალადობისთვის.

ივანიშვილის ხელის პროკურატურა ამბოხის მუხლით იწყებს გამოძიებას და, პრაქტიკულად, სპონტანურად შეკრებილ ქართველ პატრიოტებს მეამბოხეებს უწოდებს.

მალე გავრილოვის შემოყვანა და სპიკერის სავარძელში ჩასმაც ოპოზიციას შეეტენება (აბა სხვა მოტივი ამ “ამბოხს” არ ქონია) და ეს ხუმრობად უკვე აღარ ჟღერს.

კედელთან მიმწყვდელი მდიდარი შიზოიდი უკიდურესად შეშინებულია და ძალიან სახიფათო ფაზაში შეჰყავს ქვეყანა.“- წერს ნიკა გვარამია.

დაწერე კომენტარი