“სახლიდან ამოღებულია სითხე, რომელიც ბრალდებულის განმარტებით, მან გარდაცვლილის დედის ტანსაცმლის დასაწვავად მიიტანა”-პროკურორი

ვეფხია ბაქრაძე

25 წლის ქალის მკვლელობის საქმის პროკურორის ინფორმაციით, ბრალდებულმა განმარტა, რომ ბენზინი მოკლულის დედის ტანსაცმლის დასაწვავად მიიტანა. როგორც პროკურორმა იოსებ ხუციშვილმა აღნიშნა, შემთხვევის ადგილიდან ამოღებულია სითხე, თუმცა არის თუ არა ის ბენზინი, ამას ექსპერტიზა დაადგენს.

“სახლიდან ამოღებულია სითხე, რომელიც ბრალდებულის განმარტებით, არის ბენზინი. მან თქვა, რომ ბენზინის გამოყენებით უნდა დაეწვა გარდაცვლილის დედის ტანსაცმელი”, – განაცხადა პროკურორმა.

იოსებ ხუციშვილის თქმით, გამოძიება ამ დრომდე მუშაობს მტკიცებულებების მოპოვებაზე და საგამოძიებო მოქმედებების დასრულების შემდეგ საქმე არსებით განხილვაზე გადაიგზავნება.

დღეს საქალაქო სასამართლომ ბრალდებულ ვეფხია ბაქრაძეს აღკვეთის ღონისძიების სახით პატიმრობა შეუფარდა.

შეგახსენებთ, რომ 13 აპრილს, თბილისში, ბარნოვის ქუჩაზე 25 წლის თამარ გამრეკელაშვილს ორი მცირეწლოვანი შვილის თვალწინ, ყელი გამოჭრეს. მომხდართან დაკავშირებით შს სამინისტრომ 14 აპრილს, მოკლულის მამინაცვალი, ვეფხია ბაქრაძე თელეთში დააკავა.

გამოძიება 11 პრიმა 109–ე მუხლით მიმდინარეობს, რაც ოჯახში ძალადობის ნიადაგზე ჩადენილ განზრახ მკვლელობას დამამძიმებელ გარემოებაში გულისხმობს. აღნიშნული მუხლი 16–დან 20 წლამდე ან უვადო პატიმრობას ითვალისწინებს.

პოპულარული

"ყ..ზე დაიკიდე," - ირაკლი კობახიძე პარლამენტის სხდომაზე უწმაწურად საუბრობს (ვიდეო)
„6 თვე საქართველოდან და ოჯახისგან შორს ყოფნა ვერ გაუძლო შენმა პატარა გულმა“ - ვინ არის იტალიაში გარდაცვლილი 36 წლის ქართველი ქალი
თეა დარჩიას და აჩიკო სოლოღაშვილის ცეკვა, რომელსაც ინტერნეტში დიდი გამოხმაურება მოჰყვა (ვიდეო)
"ხვალ, 19 აპრილს ძალიან მნიშვნელოვანი დღეა" - მიხეილ ცაგარელი საზოგადოებას მიმართავს
დაწერე კომენტარი