საყოველთაო დაუმორჩილებლობა აფხაზეთში – ოპოზიცია ე.წ. ხელისუფლებისგან არჩევნების გადავადებას მოითხოვს

საყოველთაო დაუმორჩილებლობა აფხაზეთში – მასშტაბური საპროტესტო აქციის მონაწილეები პროტესტს უვადო რეჟიმით აანონსებენ. აფხაზეთის ე.წ. პარლამენტმა არ დააკმაყოფილა ოპოზიციის მოთხოვნა არჩევნების გადავადებასთან დაკავშირებით, რამაც თვითგამოცხადებულ რესპუბლიკაში ვითარება უკიდურესად დაძაბა.

ოპოზიცია მათი ლიდერის  ბჟანიას მოწამვლას სწორედ ე.წ. ხელისუფლებას აბრალებს. ისინი მოითხოვენ, რომ არჩევნები კანდიდატის გამოჯანმრთელებამდე გადაიდოს, რათა მან აღნიშნულ პროცესში მონაწილეობის მიღება შეძლოს.   

ოპოზიციური ბლოკის ლიდერი 18 აპრილს მოსკოვის ერთ-ერთ კლინიკაში მოწამვლის სიმპტომებით მოათავსეს. ანალოგიური სიმპტომები აღმოჩნდა ბჟანიას დაცვის ორ წევრსაც.

პარლამენტის გადაწყვეტილების შემდეგ ოპოზიციის მომხრეებმა სოხუმში ჩასვლა რაიონებიდანაც დაიწყეს. მათი განცხადებით, ქვეყანაში პოლიტიკური ტერორი მიმდინარეობს.

დღეიდან საყოველთაო დაუმორჩილებლობის  გარდა ოპოზიციის მხარდამჭერებმა გაფიცვაც გამოაცხადეს. გადაკეტილია სოხუმისკენ მიმავალი გზები. აქციის მონაწილეებს დილიდან ბლოკირებული აქვთ გადასასვლელი ხიდები გაგრაში და სოფელ ტამიშთან.

პოპულარული

"ვხედავ, ოლიგარქი ბრდღვინავს, მასთან მორიგება ძალიან სახიფათოა" - ლელა კაკულია
თბილისის საკრებულოს დეპუტატს, რიმა ბერაძეს, კრიმინალების მფარველობაში ადანაშაულებენ
"თუ შეიძლება, რომ თქვენი საფირმო ჟესტი გაგვიკეთოთ" - კახი კალაძე "ფეისბუქ ლაივისას" დატროლეს (ვიდეო)
ვინ არის დეივიდ დათუნა, რომელმაც გამოფენაზე ბანანი შეჭამა (ფოტოკოლაჟი)
დაწერე კომენტარი