საზარელი შემთხვევა ხობში – დაიღუპულია მცირეწლოვანი გოგონა

საპატრულო პოლიცია

ხობის მუნიციპალიტეტში, სოფელ პატარა ფოთის ტერიტორიაზე ავტოსაგზაო შემთხვევა მოხდა.

არსებული ინფორმაციით, მაღალი სიჩქარით მოძრავი მსუბუქი ავტომანქანის მძღოლმა საჭე ვერ დაიმორჩილა და ხეს შეეჯახა.

შეჯახების შედეგად ოთხი ადამიანი, მათ შორის ორი არასრულწლოვანი დაშავდა. ისინი სასწრაფო-სამედიცინო დახმარების ბრიგადებმა ფოთის ჰოსპიტალში გადაიყვანეს. ერთი არასრულწლოვანი გოგონა კლინიკაში მიყვანისთანავე გარდაიცვალა.

„ადგილზე მისულებს ოთხი დაშავებული დაგვხვდა. მათგან ორი არასრულწლოვანი იყო. დამატებით ორი ეკიპაჟის გამოძახება დაგვჭირდა. დაშავებულებს ადგილზე ჩაუტარდათ პირველადი სამედიცინო დახმარება და ოთხივე გადავიყვანეთ ფოთის ჰოსპიტალში. ყველას მდგომარეობა მძიმე იყო“, – განაცხადა ფოთის სასწრაფო სამედიცინო დახმარების ცენტრის ექიმმა, ქრისტინე დანელიამ.

საქართველოს შინაგან საქმეთა სამინისტროს ინფორმაციით, მომხდარ ფაქტზე გამოძიება სისხლის სამართლის კოდექსის 276-ე მუხლის მე-2 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.

პოპულარული

პატრიარქი კლინიკაში გადაიყვანეს
მუქარა და 5 მილიონად შეფასებული ქონების წართმევა პროკურორის სახელით - გიორგი ბადაშვილი სკანდალში ეხვევა
ჩინეთი მომაკვდინებელ ვირუსს ებრძვის- უმძიმესი კადრები შემთხვევის ადგილიდან
23 იანვრის ასტროლოგიური პროგნოზი
დაწერე კომენტარი