როგორ დაესხა „იმედის“ ჯგუფს თავს ნარიმანის მრევლი – ვიდეო

ბერი ნიკოლოზის მიმდევრები „იმედის“ ჯგუფის გადამღებ ჯგუფს ფიზიკურად გაუსწორდნენ. კადრები „პალიტრავიდეოს“ ერთ-ერთმა მეზობელმა მიაწოდა.

„იმედის“ გადამღებ ჯგუფს საპატრიარქოს მიერ მღვდელმსახურებაშეჩერებული ბერი ნიკოლოზის ე.წ მრევლი ფიზიკურად გუშინ გაუსწორდა.

როგორც არხის ჟურნალისტი ვარლამ წიკლაური ყვება, ის და მისი ოპერატორი იმ დროს სცემეს, როცა „იმედის კვირისთვის“ რეპორტაჟს ამზადებდნენ.

„ისინი გვთხოვდნენ წავსულიყავით, ტერიტორია დაგვეტოვებინა. ერთ-ერთი ნასვამ მდგომარეობაში იყო. ამ კაცმა ჯერ ჩემს ოპერატორს ურტყა… შემდეგ მე შემომარტყა და ძირს დავვარდი. თავში საშინელი ტკივილი მაქვს“,-ამბობს ჟურნალისტი. ოპერატორის, კახა როინიშვილის თქმით კი, თავდამსხმელები მას თავში ურტყამდნენ.

„იმედის“ ინფორმაციითვე, ჟურნალისტი და ოპერატორი ამ დრომდე საავადმყოფოში რჩებიან. მომხდარზე შსს-მ გამოძიება სსკ-ს 126-ე, 154-ე და 187-ე მუხლებით დაიწყო, რაც ძალადობას, ჟურნალისტისათვის პროფესიულ საქმიანობაში უკანონოდ ხელის შეშლას და ნივთის დაზიანებას ან განადგურებას გულისხმობს.

„შინაგან საქმეთა სამინისტრომ გამოძიება დაიწყო ფონიჭალაში, ერთ-ერთ საცხოვრებელ კორპუსთან მომხდარ ინციდენტზე, რა დროსაც ტელეკომპანია „იმედის“ თანამშრომლებს  საქართველოს მართლმადიდებლური ეკლესიიდან განკვეთილი ე.წ. ბერი ნიკოლოზის მიმდევრები  დაუპირისპირდნენ“,- წერია შსს-ს განცხადებაში.


პოპულარული

მართლმადიდებელი ეკლესია დღეს პეტრე-პავლობას აღნიშნავს
შაქარაშვილის საქმის დამალული სიმართლე - ვინ არის შავი ფერის "ჰუნდაის" მძღოლი, რომელიც არგვზე იმყოფებოდა და არავინ დაკითხა (ვიდეო)
"ორშაბათ დილას ნინო გიორგობიანი არ იქნება მოხსნილი და რეალურ მიზეზს დავწერ რატომ ვერ ელევა მინისტრი!" - ელისო კილაძე
2 კვირის წინ ჩადენილი დანაშაული და მძიმედ დაჭრილი 23 წლის ბიჭი - დაკავებული "ოცნების" დეპუტატის, კობა კობალაძის შვილია
დაწერე კომენტარი