რატომ თქვა უარი გვანცა დარასელიამ “კურიერის” წამყვანობაზე

გვანცა დარასელია

ყოფილი მოდელი გვანცა დარასელია, უკვე 12 წელია, რაც “რუსთავი 2”-ის პოპულარული სახეა. ჯერ იყო დილის გადაცემა და შემდეგ “სხვა შუადღე.” გავრცელდა ხმები, რომ გვანცა ახალ სატელევიზიო სეზონზე “კურიერის” წამყვანი გახდებოდა, როგორც თავად გვანცამ თქვა, ეს ჭორები არ ყოფილა და შეთავაზებები მართლაც მიიღო, მაგრამ აქვს მიზეზები, რის გამოც არ უნდა საინფორმაციო სამსახურში გადანაცვლება.

როგორც გვანცა დარასელია “სარკესთან” ამბობს, ასეთი შეთავაზება იყო და პირველიც არ ყოფილა.

“ადრეც რამდენჯერმე შემომთავაზეს საინფორმაციო სამსახურში გადასვლა, მაგრამ ყოველ ჯერზე უარს ვამბობ. ის ფორმატი მირჩევნია, რომელიც მაძლევს ძალიან დიდ თავისუფლებას, ბევრად უფრო მეტ შესაძლებლობას, რომ პროფესიულად განვვითარდე და მეტად ახლოს ვიყო მაყურებელთან. მოკლედ, ეს ყველაფერი ვერ დავთმე და ვერ მოვირგე ის ჩარჩოები, რომელიც საინფორმაციო გამოშვების წამყვანს აქვს”, – ამბობს დარასელია.

დაწერე კომენტარი