პოლიციამ 200 000 დოლარის გამოძალვის საქმეზე ორი ეჭვმიტანილი დააკავა

პოლიცია

თბილისში, შარტავას ქუჩაზე ჩატარებული სპეცოპერაციის დროს ორი ადამიანი დააკავეს. სპეცოპერაცია საბურთალოს ყოფილი ბაზრის ტერიტორიაზე ჩატარდა.

პოლიციამ მომხდართან დაკავშირებით, პირველი კომენტარი გაავრცელა.

„ჩატარებული ოპერატიულ-სამძებრო და საგამოძიებო ღონისძიებების შედეგად, დიდი ოდენობით ქონების მიღების მიზნით გამოძალვის ბრალდებით, 1958 წელს დაბადებული რ.ჟ. და 1983 წელს დაბადებული ბ.ჯ. დააკავეს. გამოძიებით დადგინდა, რომ ისინი ერთ-ერთ ბიზნესმენს, სიცოცხლის მოსპობის მუქარით, 200 000 აშშ დოლარს სძალავდნენ. გამოძიება დიდი ოდენობით ქონების მიღების მიზნით, გამოძალვის ფაქტზე მიმდინარეობს“, აცხადებს შინაგან საქმეთა სამინისტრო.

სამართალდამცველებმა ბრალდებულები მანამდე დააკავეს, ვიდრე ბიზნესმენი მათ მოთხოვნილ თანხას გადასცემდა.

პოპულარული

კორონოვირუსით დაავადებულთა რიცხვი 90 000-ია - უცნობი ჩინელი მედდას სენსაციური ვიდეომიმართვა მსოფლიოს
მერაბ სეფაშვილის მეუღლე რეანიმაციაში მოათავსეს
ავიაკატასტროფაში კობი ბრაიანტის 13 წლის ქალიშვილიც დაიღუპა
თბილისში ძაღლის ანტიპარაზიტული პრეპარატი "ბარსი" ბავშვზე გამოიყენეს - 7 წლის ბიჭი კომაში ჩავარდა
დაწერე კომენტარი