“ოცნება“ და პირადად ბიძინა ივანიშვილი სრულად გაკოტრებულია ამომრჩევლის თვალში – “ევროპული საქართველო” Ipsos-ს კვლევას აფასებს

ირმა ნადირაშვილი

ბიძინა ივანიშვილის და „ქართული ოცნების“ რეიტინგის ვარდნას, “ევროპული საქართველოს” წევრები ეხმაურებიან. 

კომპანია Ipsos მიერ ჩატარებული საზოგადოებრივი აზრის კვლევის მიხედვით, ივანიშვილის ნეგატიური რეიტინგი პიკს აღწევს – გამოკითხული მოსახლეობის უმეტესობის აზრით, 2020 წელს საპარლამენტო არჩევნებში ოპოზიცია გაიმარჯვებს. ასევე კვლევის მიხედვით, ყველაზე პოზიტიური განწყობა საზოგადოებას, სწორედ “ევროპული საქართველოს” მიმართ აქვს. 

ოპოზიციური პარტიის ლიდერები ამბობენ, რომ ივანიშვილმა რეიტინგი არა მხოლოდ საზოგადოების თვალში, არამედ საკუთარ პარტიაშიც დაკარგა. ირაკლი აბესაძის განცხადებით, “ქართული ოცნების” და პირადად ივანიშვილის დამარცხება, შუალედურ არჩევნებზეც შეიძლება.

„კვლევამ კიდევ ერთხელ ცალსახად დაადასტურა, რომ „ქართული ოცნება“ და მისი ხელმძღვანელი პირადად ბიძინა ივანიშვილი სრულად გაკოტრებულია ქართველი ამომრჩევლის თვალში და ამ პირობებში მათი ერთადერთი საყრდენი არის უიმედობის დათესვა ამომრჩეველში, რომ შეუძლებელია არჩევნების გზით ივანიშვილის ბოროტი მმართველობის დასრულება და ეს არ შეიცვლება. ხოლო, იმ პირობებში, როდესაც ჩვენ ცალსახად ვხედავთ, რომ „ევროპული საქართველოს“ ზოგადად პროდასავლური ოპოზიციის ერთიანი რეიტინგი მნიშვნელოვნად აღემატება „ქართული ოცნების“ პოლიტიკურ რეიტინგს, ცალსახად ჩანს, რომ ამომრჩევლის აქტიურობის პირობებში ამ შუალედურ არჩევნებზეც კი პირდაპირ გამოჩნდება ივანიშვილის მარცხის წინაპირობა და საფუძვლები,“- აცხადებს ირაკლი აბესაძე.

„ქართული ოცნების“ და მისი ლიდერის რეიტინგის დაცემას პარლამენტის ფრაქცია ”ევროპული საქართველო – მოძრაობა თავისუფლებისთვის” წევრი, ირმა ნადირაშვილი ქვეყანაში შექმნილ მძიმე მდგომარეობას უკავშირებს. ნადირაშვილის თქმით, მოსახლეობას უსამართლობის განცდა აქვს, ასევე ქვეყანაში საგრძნობია გამეფებული კორუფცია.

„ბიძინა ივანიშვილის ჭარბი ნდობა და მისი რესურსი დასული არის, თითქმის, ნულზე. არავის აღარ სჯერა ამ ადამიანის. საკუთარ უმრავლესობაშიც კი, მე მგონი, მან თავისი რეიტინგი და თავისი ჭარბი ნდობა უბრალოდ დაკარგა. აღარაფერს ვამბობ რიგით მოქალაქეებზე, რომლებისთვისაც მთავრობა საერთოდ არ მუშაობს, არის კორუფცია, საკუთარი ჯიბეების გასქელება, არის უსამართლობის განცდა, მურუსიძე და ჩინჩალაძის უსამართლობის განცდა და შესაბამისად,  ეს გადადის რეიტინგებში. ამიტომ ხდება, რომ ბიძინა ივანიშვილი და „ქართული ოცნება“ ყოველდღიურად ჰკარგავს ამომრჩევლის ნდობას და 2020 წელს ეს იქნება საფუძველი, რომ ოპოზიცია გაიმარჯვებს ხელისუფლებაზე,“- განაცხადა ირმა ნადირაშვილმა.

პოპულარული

"რა რაოდენობის ხალხიც არ უნდა ჩამოიყვანოს ივანიშვილმა, ამ რაოდენობას არ ახლავს მუხტი, ივანიშვილს არ აქვს მორალური უპირატესობა, ის დამარცხებულია ქართველ ხალხთან" - ბაჩუკი ქარდავა (ვიდეო)
"ოცნების" აქციაზე მიმავალი გურჯაანის მერი და მისი სამი თანამშრომელი ავარიაში მოყვნენ
სასტუმრო "ჰოლიდეი ინნში" ოპოზიციის წარმომადგენლებისა და დიპლომატიური კორპუსის შეხვედრა დასრულდა
ოპოზიციური პარტიების ლიდერები და დიპლომატიური კორპუსის წარმომადგენლები შეხვედრას მართავენ
"არასაარჩევნო პერიოდში, კონტრაქციისთვის საჯარო მოხელეები ძალდატანებით ჩასვა ავტობუსებში, ჩამოიყვანო იმიტომ, რომ ოპოზიციას მოუწყო აქცია, ეს არის უპრეცენდენტო შემთხვევა" - ნიკა მელია
სუპერსექსუალური მალიბუ ტუღუში ახალ კლიპში გაშიშვლდა (ვიდეო)
"წამოიყვანე ვინც გინდა და აგიხსნიან ყველაფერს" - დაპირისპირება კახი კალაძესა და მოსახლეობას შორის (ვიდეო)
საქართველოში ტემპერატურა +20 გრადუსამდე მოიმატებს - უახლოესი დღეების ამინდის პროგნოზი
საერთაშორისო სკანდალი: 9/11-ის ტერაქტის საქმის მთავარი მოწმე ქართულ ციხეშია - აშშ-ს მწვავე ბრალდებები საქართველოს ხელისუფლებას
დაწერე კომენტარი