ნეპოტიზმი საოლქო საარჩევნო კომისიებში – ოპოზიციის მტიკიცებით, ხელისუფლება არჩევნების გაყალბებისთვის ემზადება

ცესკო

ნეპოტიზმი საოლქო საარჩევნო კომისიებში – „ახალგაზრდა იურისტთა ასოციაცია” კვლევის შედეგებს აქვეყნებს. საია-მ საარჩევნო კომისიებში არჩეული 73-ვე წევრის შესახებ ინფორმაცია შეისწავლა და დაასკვნა, რომ ყველა მათგანი მმართველი გუნდის წარმომადგენლის მეგობარი, ნათესავი ან ოჯახის წევრია.

ასეთი ფაქტები ჭიათურის, რუსთავის, მარტვილის, ზუგდიდის და წყალტუბოს კომისიებში გამოვლინდა. ექვს შემთხვევაში კი არჩეულ პირებს სუს-ისა და საარჩევნო კომისიის მაღალი თანამდებობის პირებთან ოჯახური, ნათესაური ან მეგობრული კავშირები აქვთ.

„გამოიკვეთა, რომ ხუთ შემთხვევაში იყო ნათესაური კავშირი, მაღალ თანამდებობის პირებთან საარჩევნო ადმინისტრაციაში, ხოლო ერთ შემთხვევაში სავარაუდო კავშირი სუს-ის მაღალი თანამდებობის პირთან. პრობლემა და ხარვეზი, რომელზეც ვსაუბრობთ, პირდაპირ საარჩევნო კანონმდებლობის მიხედვით დარღვევას არ წარმოადგენს, მაგრამ სანდოობას და საარჩევნო ადმინისტრაციის იმიჯს კითხვის ნიშნების ქვეშ აყენებს,“- განაცხადა „ახალგაზრდა იურისტთა ასოციაციის“ აღმასრულებელმა დირექტორმა, ირმა პავლიაშვილმა.

საოლქო საარჩევნო კომისიებში შესაძლო ნეპოტიზმს ოპოზიციის წევრები გამოეხმაურნენ. მათი თქმით, ხელისუფლება არჩევნების გაყალბებისთვის ემზადება და ამიტომ ხდება კომისიების დაკომპლექტება ნათესაური კავშირით, მხარდამჭერებით და აქტივისტებით.

„ქართული ოცნება“ თამარ ჟვანიას, ცესკო-ს გამოყენებით, ქმნის გაყალბების მანქანას და არა პროფესიული ნიშნით დაკომპლექტებულ საარჩევნო ადმინისტრაციას, რომელმაც თავისუფალი და სამართლიანი არჩევნები უნდა ჩაატაროს. ამიტომ მნიშვნელოვანია, რომ თითოეული ამომრჩეველი არჩევნებზე მივიდეს,“- განაცხადა „ნაციონალური მოძრაობის“ წევრმა, თინათინ ბოკუჩავამ.

ოპოზიცია ამომრჩეველს საპრეზიდენტო არჩევნებში მისვლისკენ მოუწოდებს.

„ეს არის სისტემური პრობლემა, ამ პრობლემის წინაშე ვდგებით ყველა არჩევნების წინ, მუდმივად მისის საუბარი, რომ კომისიები არა პროფესიული ნიშნით, არამედ პარტიული ნიშნით ხდება მათი დაკომპლექტება,“- განაცხადა „ევროპული საქართველოს“ წევრმა, გიორგი ტუღუშმა.

პოპულარული

ერთი ბილეთით მარშუტკით, ავტობუსით და მეტროთი მგზავრობას შეძლებთ - თბილისის მერიის ახალი რეფორმა
ღობით გაყოფილი სათამაშო მოედანი თბილისში "მდიდრების" და "ღარიბებისთვის" - "მშობელმა ვისაც ფული არ აქვს, როგორ აუხსნას შვილს, რატომ თამაშობენ სხვა ბავშვები უკეთეს პირობებში"
ხვალიდან თამარ მეფის გამზირიდან გმირთა მოედნის მიმართულებით მოძრაობა 200 დღით გადაიკეტება
ტყვიის მაღალი დონე მონადირეების და მეთევზეების ოჯახებში და მომწამვლელი „კაკლის სატეხი“ - რა შედეგები აჩვენა კვლევამ საქართველოში
დაწერე კომენტარი