მორიგი მასობრივი მკვლელობა – დაიღუპა 12 ადამიანი და დაშავდა 4

მორიგი მასობრივი მკვლელობა შეერთებულ შტატებში – შეიარაღებულმა პირმა ცეცხლი ქალაქ ვირჯინია ბიჩის მუნიციპალურ შენობაში გახსნა. დაიღუპა 12 ადამიანი, 4 კი – დაშავდა.

გამოძიებას თავდამსხმელის ვინაობა ოფიციალურად არ დაუსახელებია, თუმცა ცნობილია, რომ ის კომუნალური სამსახურის თანამშრომელი იყო. თავდასხმის სავარაუდო მიზეზად მისი უკმაყოფილება სახელდება.

თავდამსხმელი პოლიციასთან ორმხრივი სროლის დროს დაიღუპა.

ვირჯინია ბიჩზე, მუნიციპალურ შენობაში მომხდარ შეიარაღებულ თავდასხმას ქალაქის მერმა უკვე უწოდა ყველაზე დამანგრეველი შემთხვევა ამ ქალაქის ისტორიაში.

სროლა ატლანტის ოკეანის სანაპირო ქალაქ ვირჯინია ბიჩის მუნიციპალურ შენობაში საღამოს 4 საათზე გაისმა. დაზარალებულთა შორის არის პოლიციის ოფიცერიც, თუმცა, როგორც სამართალდამცველებმა თქვეს, ის ჯავშანჟილეტმა იხსნა.

„მსხვერპლი შენობის სამივე სართულზე აღმოვაჩინეთ. ასევე ერთი ცხედარი შენობის გარეთ, მანქანაში იყო. ჩვენი მიზანია, რაც შეიძლება, სწრაფად მოვახდინოთ შენობაში მყოფი ყველა ადამიანის იდენტიფიცირება, რომ სწორი ინფორმაცია მივაწოდოთ დაღუპულთა ოჯახის წევრებს. რამდენიმე დაშავებული საავადმყოფოშია გადაყვანილი. დადგენილია თავდამსხმელის ვინაობაც. მასსა და სამართალდამცველებს შორის დაპირისპირება და ორმხრივი სროლა საკმაოდ დიდხანს გრძელდებოდა,“ – განაცხადა ვირჯინია ბიჩის პოლიციის უფროსმა, ჯიმ სერვევამ.

მომხდარის შესახებ საქმის კურსში სასწრაფოდ ჩააყენეს შეერთებული შტატების პრეზიდენტი. შტატის სენატორმა თიმ ქეინმა ამ თავდასხმის შემდეგ განცხადება ტვიტერის საშუალებით გააკეთა. მან დაღუპულთა ოჯახებს მიუსამძიმრა და პირობა დადო, რომ გააგრძელებს ზეწოლას კონგრესზე, რათა იარაღით ძალადობა თავიდან აცილებული იყოს.

პოპულარული

"ოცნება" ურჩი დეპუტატების დასჯას იწყებს - ივანიშვილის შურისძიება კაკულიასა და მარიამ ჯაშზე, რომლებმაც მელიასთვის დეპუტატის იმუნიტეტის შეჩერებას მხარი არ დაუჭირეს
"ჩვენ მოვუწოდებთ საქართველოს მთავრობას, იმოქმედოს გაწონასწორებულად და თავშეკავებით"- აშშ-ის საელჩოს სპეციალური განცხადება
გავრცელებული ინფორმაციით, პოლიტიკური სასამართლოს შემდეგ, "ოცნების" 4 დეპუტატი უმრავლესობას ტოვებს
კაკულია, ჯაში და ოდიშარია - "ოცნების" დეპუტატები, რომლებმაც მელიასთვის დეპუტატის იმუნიტეტის შეჩერებას მხარი არ დაუჭირეს
"გავრილოვის სისხლიანი ღამე"- პარლამენტის წინ საპროტესტო აქცია განახლდა
"დაღუპული გმირის დედის და ჩემი დედამთილის თხოვნით არ მივიღე კენჭისყრაში მონაწილეობა"- მარიამ ჯაში
კაკულია, ჯაში და ოდიშარია - "ოცნების" დეპუტატები, რომლებმაც მელიასთვის დეპუტატის იმუნიტეტის შეჩერებას მხარი არ დაუჭირეს
გავრცელებული ინფორმაციით, პოლიტიკური სასამართლოს შემდეგ, "ოცნების" 4 დეპუტატი უმრავლესობას ტოვებს
პარლამენტთან მიმდინარე აქციაზე თაკო ჩარკვიანი ცუდად გახდა
დაწერე კომენტარი