მმართველი გუნდი მხარს უჭერს სალომე ზურაბიშვილს, თუმცა თვლის, რომ რუსეთი აგრესორი და ოკუპანტია – პრემიერი ზურაბიშვილის განცხადებაზე საუბრობს

მამუკა ბახტაძე

“გუშინ არ მომისმენია ქალბატონმა სალომემ რა თქვა, თუმცა ასეთი კითხვა როცა დაისვა, მე გავეცი დეტალური განმარტება და კიდევ ერთხელ გავიმეორებ იგივეს,” – ასე ეხმაურება საქართველოს პრემიერი სალომე ზურაბიშვილის სკანდალური განცხადების შესახებ დასმულ კითხვას.

საარჩევნო კამპანიის ოფიციალურად დაწყებამდე რამდენიმე საათით ადრე “ქართული ოცნების” მიერ მხარდაჭერილმა საპრეზიდენტო კანდიდატმა კიდევ ერთხელ განაცხადა, რომ 2008 წელს ომი საქართველომ დაიწყო.

მამუკა ბახტაძის განცხადებით, მმართველი გუნდი მხარს უჭერს სალომე ზურაბიშვილს, თუმცა თვლის რომ რუსეთი ოკუპანტია, მას ოკუპირებული აქვს საქართველოს ტერიტორიის ნაწილი. ბახტაძე აცხადებს, რომ საომარი მოქმედებები რუსეთმა დაიწყო, თუმცა საქართველოს მაშინდელმა ხელისუფლებამ ეს რისკი ვერ აიცილა, ბახტაძის თქმით, საქართველოს ხელისუფლების მიზანი შეუქცევადი ევროინტეგრაციაა.

“რუსეთი გახლავთ აგრესორი, მან მოახდინა საქართველოს ტერიტორიების ოკუპაცია, მან მიიღო გადაწყვეტილება საქართველოში შემოჭრის და დაიწყო საომარი მოქმედებები. მოახდინა ჩვენი მოსახლეობის გამოდევნა ჩვენი ისტორიული მიწებიდან და მივიღეთ ის ჰუმანიტარული კატასტროფა, რომელზეც ვსაუბრობ ყველა ფორმატში. ეს არის ჩვენი შეფასება, ეს არის შეფასება ჩვენი მეგობრების.

“სხვა საქმეა, რომ სამწუხაროდ, მაგრამ ამავე დროს ძალიან პრინციპული, რომ მაშინდელმა ხელისუფლებამ ვერ ააცილა ეს რისკი ჩვენს სახელმწიფოსა და ჩვენს მოსახლეობას და არ გაითვალისწინა ის ინფორმაციები, რომელსაც ჩვენი მეგობრები იძლეოდნენ, რომ რუსეთი ემზადებოდა ამ ომისთვის და ემზადებოდა საკმაოდ სისტემურად, ქმნიდა იმ ინფრასტრუქტურას, რომელიც მათ საშუალებას მისცემდა საქართველოში ეს სამხედრო ოპერაცია განეხორციელებინა. ვუჭერთ მხარს სალომე ზურაბიშვილს. ჩვენთვის ძალიან მნიშვნელოვანია ის საგარეო ორიენტირები, რომელიც გაცხადებულია ჩვენს მიერ, რომელიც აუცილებლად უნდა იქნას მიღწეული, ეს არის შეუქცევადი ინტეგრაცია ევროპულ და ევროატლანტიკურ სტრუქტურებში. ეს გახლავთ საქართველოში ევროპული ტიპის დემოკრატიის მშენებლობა და ეს გახლავთ საქართველოს ევროპული ტიპის საპარლამენტო დემოკრატიის მშენებლობა,“-აცხადებს პრემიერი.

loading…

პოპულარული

"ვალების განულების გადაწყვეტილებას ამომრჩევლის მოსყიდვის უპრეცედენტო მასშტაბის სახე აქვს" - სამართლიანი არჩევნების სკანდალური კვლევა
„ივანიშვილი ძალიან კარგად ხვდება, რომ მისი ხელისუფლების დასასრული დაიწყო და ყველა უბედურების სხვისთვის გადაბრალებას ცდილობს“ - გიორგი ვაშაძე ექსპრემიერის ინტერვიუს აფასებს
"ხელისუფლებამ ეკონომიკის განვითარებაზე ზრუნვის ნაცვლად, სესხების გამცემ ორგანიზაციებთან ბრძოლა დაიწყო" - ზურაბ ჭიაბერაშვილი
აფეთქება სოფელ ხეთაში - დაშავებული 66 წლის ქალი საავადმყოფოში გარდაიცვალა
"შავი სია წაიშლება, მაგრამ ბანკი ისე იოლად კრედიტს ვეღარ გასცემს, როგორც ადრე გასცემდა" - ფინანსთა მინისტრი
თურქეთში გაჩუქებული ძაღლი გამოიპარა და საქართველოში პატრონთან დაბრუნდა
"შავი სია" არ არსებობს - ვალების ჩამოწერის აფიორა და "დამალული" დეტალები
"აგვისტოს ომი გმირი დღეს დაკრძალეს, ხელისუფლებიდან არავინ ჩავიდა, რომ სამძიმარი ეთქვათ ცერცვაძის ოჯახისთვის"
ირინკა კავსაძემ "ცეკვავენ ვარსკვლავებში" ბებიის, ბელა მირიანაშვილის სახე გააცოცხლა (ვიდეო)
დაწერე კომენტარი