მერიის კუთვნილმა 42-მა ავტომობილმა ტექდათვალიერება ვერ გაიარა

ტექდათვალიერება

თბილისის მერის, კახა კალაძის ინფორმაციით, მერიის კუთვნილმა 42-მა ავტომობილმა ტექნიკური დათვალიერება ვერ გაიარა და მათ მერია აღარ გამოიყენებს. ამის შესახებ კალაძემ მთავრობის სხდომაზე განაცხადა.

მისი თქმით, თუ ახალი ავტომობილების საჭიროება იქნება, ისინი ჰიბრიდული და ელექტრომობილებით უნდა ჩანაცვლდეს.

„მიმდინარე წლის პირველი ივლისიდან სახელმწიფო და მუნიციპალური ავტოსატრანსპორტო საშუალებები სავალდებულო ტექნიკურ დათვალიერებას ექვემდებარება. შესაბამისად, თბილისის მერიამ ეს პროცესი დაიწყო. ჩემი დავალებით ყველა ავტომობილი შემოწმდა. ამ ეტაპისთვის, მერიის კუთვნილი 42 ერთეული ავტოსატრანსპორტო საშუალება მინიმალურ ტექნიკურ მოთხოვნებს ვერ აკმაყოფილებს.

მინდა დაგავალოთ, ეს ავტომობილები ამოიღოთ მოხმარებიდან. თუ დამატებითი ავტომობილები გესაჭიროებათ, იზრუნეთ, რომ გვყავდეს ელექტრომობილები და ჰიბრიდული ავტომობილები. მგონია, რომ ტექდათვალიერება, რომელიც მიმდინარეობს, ხელს შეუწყობს გარემოს დაბინძურების პრობლემის აღმოფხვრას”, – განაცხადა კახა კალაძემ.

ავტოსატრანსპორტო საშუალებების სავალდებულო ტექნიკური ინსპექტირება 2018 წლის 1 იანვრიდან დაიწყო და ეტაპობრივად მიმდინარეობს.

ტექინსპექტირების გავლა საქართველოს მასშტაბით მოქმედ 32 აკრედიტებულ, პერიოდული ტექნიკური ინსპექტირების ცენტრშია შესაძლებელი. თემაზე ყველა საჭირო ინფორმაციის ნახვა კი შესაძლებელია ვებგვერდზე pti.ge. მოქმედებს ცხელი ხაზიც – 1484.

პოპულარული

სკანდალი: სალომე ზურაბიშვილმა მარიკა ლორთქიფანიძის 18 წლის შვილიშვილის მკვლელი შეიწყალა
საკუთარი ძმის ქორწილში, ნინი ქარსელაძემ ყველა დაჩრდილა - რა ფოტოებს აქვეყნებს მომღერალი (ფოტოები)
17 სექტემბერის ასტროლოგიური პროგნოზი
თბილისში მამა 14 წლის შვილს ჯაჭვით აბამდა და ძალადობდა - საზარელი შემთხვევის ამსახველი ფოტო
დაწერე კომენტარი