“მერაბიშვილს დაუდგინდა იდიოპათიური ჰორნერის სინდრომი… არანაირი მკურნალობა არ მიმდინარეობს”

“ივანე მერაბიშვილს დაუდგინდა იდიოპათიური ჰორნერის სინდრომი, რაც ნიშნავს იმას, რომ დაუდგენელია ამ სინდრომის გამომხატველი მიზეზი“ – განცხადება ამის შესახებ დღეს, მერაბიშვილის ადვოკატებმა გააკეთეს. მათი თქმით, მედიქლაბიდან კონსილიუმის დასკვნა დაგვიანებით მიიღეს, სადაც სწორედ ამ სინდრომზეა საუბარი.

ადვოკატების განცხადებით,  სიმპტომის გამომწვევი მიზეზების დადგენა იმიტომ გართულდა, რომ გამოვლენისთანავე არ ჩატარდა კვლევა. უფლებადამცველები მიზეზის დადგენის მიზნით, პროცესში უცხოელი მედიკოსების ჩართვას ითხოვენ.

„დაგვიანებით, მაგრამ გადმოგვეცა მედიქლაბში ჩატარებული კონსილიუმის დასკვნა, სადაც სამწუხაროდ, ვკითხულობთ, რომ ივანე მერაბიშვილს დაუდგინდა იდიოპათიური ჰორნერის სინდრომი, რაც ნიშნავს იმას, რომ დაუდგენელია ამ სინდრომის გამომხატველი მიზეზი. შესაბამისად, ვაცხადებთ, რომ ჩვენ ამ კონკრეტულ მოცემულობაში ყოფილი პრემიერ-მინისტრის, ივანე მერაბიშვილის მიმართ არანაირი მკურნალობა არ მიმდინარეობს და არ არის დადგენილი, რისგან არის გამოწვეული ჰორნერის სინდრომი, რომელიც მთელი ცხოვრება შეიძლება მას ჰქონდეს ფიზიკური დაზიანების თვალსაზრისით სახეზე გამოხატული.

შესაბამისად, სასჯელაღსრულების დაწესებულება ვალდებული იყო, ემკურნალა ივანე მერაბიშვილისთვის და თუ ის ამას ვერ ახერხებს ასეთ შემთხვევაში ვითხოვთ, რომ ჩვენ მოგვეცეს შესაძლებლობა ჩამოვიყვანოთ უცხოელი ექიმები და მოხდეს მისი კონსულტირება ამ ადამიანების მიერ,” – განაცხადა ადვოკატმა გიორგი ჩივიაშვილმა.

ადვოკატი მერაბიშვილის ჯანმრთელობის მდგომარეობასთან დაკავშირებით სრულ პასუხისმგებლობას იუსტიციის მინისტრს აკისრებს და ამბობს, რომ თეა წულუკიანის განცხადება, სადაც მან უფლებადამცველებს კორექტულობისკენ მოუწოდა, ცინიკურია. ადვოკატი  ამბობს, რომ სიმართლეს არ შეესაბამება ინფორმაცია, თითქოს, მერაბიშვილის ჯანმრთელობის მდგომარეობა გაუმჯობესდა.

პოპულარული

თამთა გოდუაძის შთამბეჭდავი გამოსვლა „ევროვიზიის“ ფინალში(ვიდეო)
"19 მაისს სავსემთვარეობაა" - მიხეილ ცაგარელი ზოდიაქოს ნიშნებს აფრთხილებს
სროლა ზუგდიდში - პირი, რომლის მანქანიდანაც გაისროლეს, საოლქო საარჩევნო კომისიის მუდმივმოქმედი წევრის შვილია
რიკოთის უღელტეხილზე ტრაილერი გზიდან გადავარდა - დაზიანებულ მანქანაში მძღოლს ვერ პოულობენ
დაწერე კომენტარი