“მეორე დღეა სრულიად საქოცეთი, ივანიშვილის მთავრობა ნემსის ყუნწში ძვრებიან, ტყავიდან ამოხტნენ” – დავით ნებიერიძე

ეკონომიკის ექსპერტი დავით  ნებიერიძე Facebook – ის პირად გვერდზე სტატუსს აქვეყნებს:

იზრუნე ჯანმრთელობაზე

მეორე დღეა სრულიად საქოცეთი, ივანიშვილის მთავრობა და მათთან ან რუსეთთან აფილირებული(რაც ერთი და იგივეა) მედია საშუალებები ნემსის ყუნწში ძვრებიან, ტყავიდან ამოხტნენ, რომ გააუფერულონ ან დევალვირება მოახდინონ იმ მოვლენების პოლიტიკური ფასის, რაც კიევის შუა გულში განვითარდა მიხეილ სააკაშვილის ფიგურის ირგვლივ. თან, ცდილობენ უინტერესო და უმნიშვნელოდ გამოაცხადონ პროცესები, რომლებსაც მთელი დღის მანძილზე უწყვეტ რეჟიმში აშუქებდნენ მსოფლიოს უმსხვილესი ტელეკომპანიები. ცდილობენ გააუფასურონ იმ მოვლენის მნიშვნელობა, რომელთან დაკავშირებითაც არ დარჩა არცერთი მსოფლიო დონის პოლიტიკური ინსტიტუცია და მსხვილი სახელმწიფო, რომლის ხელმძღვანელებსაც არ გაეკეთებინოთ ვრცელი შეფასებები. შესაბამისად, რიგით მოქალაქეს უჩნდებია ლეგიტიმური კითხვა – რატომ? იმიტომ ბატონებო, რომ ივანიშვილს და პოროშენკოს ეშინიათ მხოლოდ ხალხის – მასიური საპროტესტო მუხტის აფეთქების. შესაბამისად მათ ეშინიან ამგვარი პროცესების მთავარი კატალიზატორის, იმ შეუპოვარი და უკომპრომისო მებრძოლის რომელსაც შეუძლია ხალხის გაძღოლა და ოლიგარქიული რეჟიმების აყირავება. ამიტომ, მიხეილ სააკაშვილი ოლიგარქიული საერთაშორისო სინდიკატისთვის წარმოადგენს ეგზისტენციალურ საფრთხეს. შესაბამისად ზუსტად მიშაა მათ ცნობიერებაში ყველაზე საშიში მტერი, რომელიც ყინულმჭრელივით აპობს სამოქალაქო ნიჰილიზმის, ლუმპინების შემგუებლობის და პოლიტიკური კორუფციის ძალიან სქელ ყინულს, რომლითაც გამიჯნულია ოლიგარქიულ-მაფიოზურ ჭაობად ქცეული აწმყო წარმატებული, საყოველთაო კეთილდღეობით სავსე მომავლისგან. ზუსტად მიშაა ის პოლიტიკური მიზიდულობის ცენტრი, რომლის გარშემო გაერთიანებულ მებრძოლთა გვარდიას შეუძლია მოიგოს ეს ისტორიული ცივილიზაციური ომი. ასეთ ომებს კი მხოლოდ იდეალისტები იგებენ. იმიტომ, რომ იდეალისტებს ვერ იყიდი ხიხო!

loading…
გააკეთე კომენტარი!