მედია: გადამწყვეტი მატჩის წინ არგენტინის ნაკრებმა მწვრთნელზე უარი თქვა

რუსეთში მიმდინარე მსოფლიო ჩემპიონატის ჯგუფური ეტაპის მესამე მატჩისთვის არგენტინის ნაკრების შემადგენლობას თავდამსხმელი ლიონელ მესი და ნახევარმცველი ხავიერ მასკერანო შეარჩევენ. ამის შესახებ Daily Mail-ი წერს.

გამოცემას 1986 წლის მსოფლიო ჩემპიონის რიკარდო ჯუსტის სიტყვები მოჰყავს, რომელმაც არგენტინის ნაკრების მენეჯერთან საუბრის შემდეგ განაცხადა, რომ მწვრთნელი ხორხე სამპაოლი მატჩისთვის ნაკრების შემადგენლობის შერჩევაში მონაწილეობას არ მიიღებს. მას თავად ფეხბრთელები შეარჩევენ, გადამწვეტი სიტყვის უფლება კი მესის და მასკერანოს აქვთ.

მანამდე ცნობილმა არგენტინელმა ფეხბურთელმა დიეგო მარადონამ მოითხოვა, რომ არგენტინის ნაკრების ვარჯიშზე დაუშვან.

22 ივნისს D ჯგუფს აუტსაიდერმა ნიგერიამ ისლადნია 2:0 დაამარცხა. აფრიკელთა ნაკრებმა ამით მსოფლიო ჩემპიონატის მომდევნო ეტაპზე არგენტინელების გასვლის შანსი გაზარდა. ამისათვის სამპაოლის გუნდმა ჯგუფური ეტაპის ბოლო მატჩში აუცილებლად უნდა დაამარცხოს ნიგერიის ნაკრები, ისლანდიამ კი ხორვატიას უნდა მოუგოს. მნიშვნელოვანია გატანილი და გაშვებული გოლების რაოდენობაც. ეს მატჩები 26 ივნისს გაიმართება.

21 ივნისს არგენტინელებმა ხორვატიასთან 0:3 წააგეს.

ფეხბურთის მსოფლიო ჩემპიონატმა სტარტი რუსეთში 14 ივნისს აიღო და 15 ივლისამდე გასტანს.

საფეხბურთო მატჩების განრიგს და ანგარიშების შესახებ ყველა სიახლეს შეგიძლიათ გაეცნოთ ერთ გვერდზე.

loading…

პოპულარული

"კალანდია, დიდადაც უნდათ დაიჭირონ, მარა ის ძირი საქმე დაენგრევათ, თორე ჩემი ხათრი სულ არავის არ აქვთ" - სუბელიანის სკანდალური აღიარება ხორავას ქუჩის საქმეზე
ვიქტორ ჯაფარიძე ციხეში მირზა სუბელიანთან შეხვედრას ადასტურებს - „არასერიოზულად მივიჩნიე მირზას საუბარი“
"ხელისუფლებას თუ უნდა, რომ გადარჩეს, ძალიან დიდი და სერიოზული თავები უნდა გააგოროს" - გია ხუხაშვილი სკანდალურ ჩანაწერებზე საუბრობს
„...კი, თავში ჩავარტყამთ...“ - ირაკლი კობახიძე მირზა სუბელიანის სკანდალურ ჩანაწერს „წარუმატებელ სპექტაკლს“ უწოდებს (ვიდეო)
დაწერე კომენტარი