„7 ჯარისკაცის მდგომარეობა დამაკმაყოფილებელია, ცხელება არცერთს აღენიშნება“ – ლევან გოფოძე

გოფოძე კორონაზე

რესპუბლიკური საავადმყოფოს დირექტორის ლევან გოფოძის განცხადებით, ამჟამად კლინიკაში 7 სამხედრო მოსამსახურე იმყოფება და ყველა მათგანის ჯანმრთელობის მდგომარეობა დამაკმაყოფილებელია. მანვე აღნიშნა, რომ რესპუბლიკურ საავადმყოფოში მოთავსებული ყველა ჯარისკაცი მარნეულის საკარანტინო ზონაში არ იმყოფებოდა.

„სამხედრო ნაწილიდან გვყავს რამდენიმე ადამიანი, 7 სამხედრო მოსამსახურეა, ძირითადად ჯარისკაცები. მათი მდგომარეობა დამაკმაყოფილებელია. მართალია ჩვენთან შემოვიდნენ ცხელებით, მაგრამ ახლა ცხელება არცერთ მათგანს არ აღენიშნება და შესაძლებელია მათი გატესტვაც მოხდეს სათანადო რეჟიმში. პასუხების შემდეგ გადაწყდება სად წავიდნენ, კარანტინის ზონაში გადავლენ თუ თვითიზოლაციაში. მარნეულის ზონიდანაც გვყავს ჯარისკაცები, ერთი ჯარისკაცი კი დმანისიდანაა,“- განაცხადა ლევან გოფოძემ.

დაწერე კომენტარი