მარიამ კუბლაშვილი ნანუკა ჟორჟოლიანს: ,,თქვენი სიბინძურის წმენდაში ბევრ დროს ვკარგავთ”

ადვოკატი მარიამ კუბლაშვილი ტელეწამყვან ნანუკა ჟორჟოლიანს პასუხობს:

,,ძვირფასო ნანუკა, დღეს კი დავწერე ვრცელი პოსტი. აქ ყველაფერია ნათქვამი. ჩემს პასუხსაც აქვე ამოიკითხავთ.

ახლა ის დრო მოვიდა, ტრადიციებს, რწმენას რომ დასცინიან და ფეხქვეშ იგებენ… რაიმე ადამიანური თუ გაქვს შემორჩენილი ამ სიბინძურეში გულუბრყვილობის ან გულწრფელობის სახით, პროვინციალიზმს და სამარცხვინოობას უწოდებენ… ძალაუფლების დაბრუნების ისტერიკული ჟინით შეპყრობილები, ცილისწამებას და ტალახის ნაცვლად – ნეხვის სროლას აღარ რიდობენ უდანაშაულო ადამიანებისთვის…

შემოვიკრა თავზე ხელი, შექსპირივით 66-ე სონეტის ენით სიკვდილს რომ ნატრობს თუ ვინატრო ,,რაღაც სხვა” ტერენტივით… ამრია და გადამირია გონება ამ დაუსრულებელმა უსამართლობამ, ქაოსმა…

დღეს 7 ნოემბერია, რამხელა ბოროტების მომწყობნი და შემომქმედნი, ურცხვად აგრძელებენ ძალადობრივ შემოქმედებას, აქ უფრო დაუნდობლობა იყო, სიცივე, შიში, უპატრონობა… რომელიც გზარავს და რომელიც წარსულში უნდა დაგვეგდო გველის პერანგივით. რაღას ათრევთ და დაატარებთ ამ დამპალ, აყროლებულ პერანგს და მას ზედ კიდევ უმატებთ ათასგვარ მყრალ ნარჩენებს? სუნთქვა და არსებობა გვინდა ბოლოს და ბოლოს, ბევრ დროს ვკარგავთ თქვენი სიბინძურის წმენდაში, არადა რამდენია საკეთებელი…

ჰეი, თქვენ ვინ გეკითხებათ როგორ და რატომ გვწამს ან გვჯერა სასწაულების? ვინ გიბოძა განსჯის უფლება ჩემთვის რამდენიმე მოვლენის დამთხვევა უფლის ნიშანი და სასწაულია თუ მხოლოდ თვითმფრინავის კვამლი? იცით თუ არა, რომ ჩვენი პატრიარქი ჩვენთვის ქართველობის სისხლიანი წარსულის, უფლის რწმენის, ერთიანობის, ერთმანეთის დანდობის, სიყვარულის და ადამიანობის სიმბოლოა, თქვენ ვინ მოგცათ უფლება შეეხოთ ჩვენს მეს და მომავალს? საკუთარი წარსული დაივიწყეთ და ნამოქმედარი, სხვის თვალში კი ბეწვსაც ამჩნევთ, მითხარით რატომ უნდა მჯეროდეს თქვენი?
და ბოლოს, ,,თუ ცოდვის ჩამდენი ღირსია სასამართლოსი, დაე, იგი იმან გაასამართლოს, ვისაც მსგავსი არაფერი აქვს ჩადენილი, და არა შენ. სხვები არ უნდა განსაჯოს იმან, ვისაც იგივე და უარეს დანაშაულში მიუძღვის ბრალი.” წმ. გრიგოლ ნოსელი.”


შეგახსენებთ, რომ მარიამ კუბლაშვილის პოსტს, სადაც ის წერს, რომ პატრიარქმა გაიარა და ცაზე ჯვარი გამოისახა, ტელეწამყვანი ნანუკა ჟორჟოლიანი ასე გამოეხმაურა:


,,თანამედროვე მსოფლიოს რა გამოწვევები აქვს და ჩვენთან ძალიან ბევრ ადამიანს სჯერა, რომ ცაზე არა თვითმფრინავების კვამლი, არამედ პატრიარქის გამო გამოსახული ჯვარია. ამის სჯერათ ადვოკატებს, ექიმებს, მასწავლებლებს. ადამიანებს, რომლებზეც ხშირად სხვა ადამიანების ბედია დამოკიდებული. მძიმე რეალობაა ეს, თორემ მარიამ კუბლაშვილს რომ სჯერა ასეთი ,,სასწაულების” , გასაგებია. მეგორებო, სინამდვილეში ეს თვითმფრინავების გამონაბოლქვია! რავი, მაინც რომ იცოდეთ”.

პოპულარული

რა ღირს ლარი დღეს - ოფიციალური კურსი
"ოპააა კუკური... დაასკდი... 26 წლის ბიჭი მყავს... ეწევა კიდევაც, მაგრამ ტრაკს არ აძლევს... დედა მოტ***ბო თქვენ" - "ოცნების" აქტივისტი ქალები (ვიდეო)
როგორ დააღწია კაზინოს თავი "ოცნების" აქტივისტმა, რომელმაც აქციაზე თვალის ჩაკვრით დაამახსოვრა საზოგადოებას თავი
"მითხრა მთლიანად გაიხადეო...ღმერთს ვფიცავარ, რომ დედამ არაფერი იცოდა" - ბავშვთა პორნოგრაფიის საქმის შემზარავი დეტალები (ვიდეო)
დაწერე კომენტარი